Kabanata 1675

“Siguro mali lang yung tono ng pagkakasabi ko, pero ang gusto kong ipunto ay sobrang naawa ako sayo noong napanuod ko yun at mula nun ay hinangaan kita kahit pa mas matanda ako sayo. Maniwala ka man o hindi, ikaw ang naging inspirasyon ko noon para iwanan si Hector.”

Hindi nakapag salita si Sabrina. Hindi niya inakala na ganun pala ang ibig sabihin ni Hana. Bakit ba minasama niya ito kaagad?

Nagpatuloy si Hana, “Ayaw ko na sanang sabihin ‘to sayo kasi buntis ka ngayon at baka masisi mo pa ako kapag may nangyaring masama sayo. Isa pa, hindi naman tayo magkakilala talaga pero dahil napag usapan naman na natin ‘to, sasabihin ko na sayo ang lahat. Pinalayas ako noon ni Hector sa bahay niya, pero ilang taon din kaming may contact pa rin sa isa’t-isa kasi kailangan kong magbigay ng sustento sa anak ko. Noong panahong kumalat ang video mo, para akong binuhusan ng malamig na tubig at nagising ako. Nasasaktan at nahihirapan na ako… Ikaw ang naging inspirasyon ko na magdesisyong tuluyang iwan