Kabanata 3 - Ang kondisyon!

“Dude, anong pumasok sa isip mo at sa dinami-rami ng babae sa mundo bakit yung Lalaine pa ang pinili mong pagpanggapin bilang nobya mo?” reklamo ni Sandro sa kaibigang si Juaquin matapos malaman ang pagkatao ni Lalaine mula sa masusing pagpapaimbestiga ng kaibigan.

Pinilig niya ang swivel chair na kanyang inuupuan at tumayo saka umikot sa desk niya at hinarap si Sandro, “dahil she is the best fit on this play.”

“What do you mean by that?” nagtatakang tanong nito.

“Dahil sa lahat ng babaeng na-link sakin ay sa kanya ko lamang nakitaan ng selos si AJ,” pagtatapat niya sa kaibigan.

“I have no idea na marunong palang magselos itong si AJ,” nakangising tugon nito, napahinto siya sa pagsasalita nang may kumatok sa opisina ng kaibigan at ibinaling ang kanyang paningin sa papasok na tao.

Tila huminto ang kanyang mundo at nanlaki ang mga mata nang bumungad ang isang magandang binibini na nakasuot ng red wine button down polo short sleeve dress na hanggang tuhod lamang at bumagay sa maputi nitong balat, nakabagsak ang kanyang hanggang balikat na tuwid na blonde na buhok at maging ang full bangs niya ay tuwid na tuwid rin.

“Sandro, this is my fiancee, Lalaine Madrigal,” nakangiting pagpapakilala ni Juaquin sa dalaga saka ipinulupot ang kanyang kamay sa baywang ng dalaga na siya namang ikinagulat at ikinailang ni Lalaine. Nais niyang alisin ang nakapulupot na kamay nito sa kanyang bewang ngunit sumagi sa kanyang isipan ang kanilang kasunduan.

Napatayo sa kinauupuan si Sandro dahil hindi niya ine-expect na ganito pala kaganda itong si Lalaine sa personal, “nice to meet you, Ms. Madrigal. I’m Sandro Valdez, Juaquin’s friend,” iniabot ni Sandro ang kanyang kamay sa dalaga upang makipag-shakehands ngunit hindi ito pinayagan ng kaibigan na mahawakan man lang ang kamay ng dalaga at siya na lamang ang umabot sa kamay ni Sandro at nakipag-shake hands dito.

“Akala ko ba ay magpapanggap lang, bakit naman parang sineseryoso naman niya?” bulong ni Sandro matapos agawin ang kamay niya sa mahigpit na pagkakahawak ng kaibigan sa kanya, naisipan na niyang magpaalam kay Juaquin nang mga sandaling iyon at lumabas ng opisina nito.

“Masyado namang makahawak ang lalaking ito sakin. Kainis! Hindi ba’t sinabi ko na dati na hindi na ako kailanman tutungtong pa sa lugar na ito… Bakit kasi kailangan pa akong magipit ng ganun?” tanong ni Lalaine sa sarili.

-Flashback-

“Payag na ako to work with you as your secretary,” Lalaine said out of a sudden. Hindi na nagulat si Juaquin nang bigkasin ng dalaga ang mga salitang iyon dahil ito na ang inaasahan niya umpisa pa lang ng magkusa siyang dalhin ang ina ng dalaga sa pribadong ospital, marahan niyang hinarap ito.

“Secretary? Wala akong naaalalang magtatrabaho ka bilang sekretarya ko,” tugon nito.

Nagsalubong ang kilay ni Lalaine at napapilig ng ulo, hindi niya alam kung anong nais ni Juaquin sa kanya, “if I’m not working with you as your secretary, ano palang magiging trabaho ko?”

“You will be working as my pretend fiancee,” usal nito.

“A-anong sinasabi mo?!” gulat niyang tanong sa binata, minasdan niya ang ekspresyon ng mukha nito sa pag-aakalang nagbibiro lamang ito ngunit nanatiling malamig at walang emosyon na makikita sa mukha nito na parang isang papel na walang laman.

“Nagbibiro ka lang, diba?” paniniguro ni Lalaine at saka pilit na tumawa.

“I’m serious, Ms. Madrigal,” seryosong tugon nito.

“H-hindi ako papayag, ayoko,” mabilis niyang pagtanggi sa alok na trabaho ng binata.

Ipinasok ni Juaquin ang kamay sa bulsa ng kaniyang pantalon at kinuha ang papel sa loob nito, iniabot niya iyon sa dalaga, “I don’t like forcing people, Ms. Madrigal kaya kung tinatanggihan mo man ang offer ko then let’s just forget that I say something to you.”

Nakatitig si Lalaine sa papel na hawak nito, iniisip kung anong meron sa papel na yun kaya naman kaysa maging isang palaisipan sa kanya kung anong nakasulat sa papel ay tinanggap niya iyon mula sa binata.

Halos mabitawan niya ang papel dahil sa panginginig ng kanyang mga kamay matapos makita ang nakasulat sa papel na bayarin niya sa ospital at ang unang pumasok sa kanyang isipan ay ang tanggapin ang alok ng binata.

Nag-angat siya ng tingin ngunit nakatalikod na si Juaquin at naglalakad na palayo, “M-Mr. Cristobal!” tawag niya dito na nagpahinto sa kanya sa paglalakad.

Tumaas pakurba ang mga labi ni Juaquin nang sandaling tawagin siya ni Lalaine, he really know how to play this game. Plantsado ang plano niyang ito kung saan alam niyang wala ng lusot si Lalaine para makatakas pa sa ganitong sitwasyon, marahan niyang nilingon ang dalaga at hinintay itong makalapit sa kanya.

“Mr. Cristobal! Payag na akong magpanggap na nobya mo!” Desperada niyang usal dito na siyang ikinatuwa ng damdamin ni Juaquin.

“Good! Dahil tinanggap mo na ang alok ko, you will be starting to work with me as soon as possible. Tomorrow dumiretso ka ng opisina ko and you will sign the contract, my driver will send you clothes to wear.” Usal nito saka iniwang nakatunganga ang dalaga.

-End of flashback-

“Umalis na siya, can you let go of me now?” inis niyang sabi sa binata at agad namang tinugunan ng binata ang hiling niya ngunit halos itulak siya nito palayo.

“Tss. Walang modo,” inis na bulong ni Lalaine habang hinihila pababa ang hapit niyang dress na umangat.

“What did you say?” tanong ni Juaquin sa kanya.

“Nasan na ba ang kontrata? Magpirmahan na tayo,” nagmamadaling tugon niya upang maiiwas ang tanong nito sa kanya.

Naglakad patungo sa chair niya si Juaquin at itinulak nang marahan ang folder na nakapatong sa desk nito, “here’s the draft of the contract, check it at kung wala ka ng problema, you can sign it.”

Ibinaba ni Lalaine ang kanyang tingin sa folder at binuksan ito, maingat niyang binasa ang mga clause sa kontratang kanyang pipirmahan. Nagningning ang mga mata niya nang mabasa ang halagang 500,000 pesos na kikitain nito kada buwan ngunit nawala ang kinang na yun at napalitan ng takot dahil sa nabasa niya.

“A-ano to? Seryoso ka?!” nabigla niyang tanong matapos mabasa ang mga nakasulat. “Sigurado kang kailangan pang mag-kiss holding hand at yakap sa harap ng ex mo?!”

“Yes. Paano babalik ang dati kong nobya kung hindi convincing ang pagpapanggap mo?” swabeng tanong nito.

Napangisi siya at bumulong, “desperado.”

“What did you say?” nagdilim ang paningin nito sa narinig niyang sinabi ni Lalaine.

“D-don’t take it to heart, Mr. Cristobal. Gusto ko lang malaman kung gaano ka ka-sure na babalikan ka ng dati mong nobya kapag nakita niyang magkasama tayo?”

“Hindi ako sigurado pero ang sinisiguro ko sayo, mananatili ka saking tabi kung hindi siya babalik sakin.” Desperado nitong sabi na nagpakaba ng dibdib ng dalaga.

“H-hindi ito pwede!” reklamo niya.

“Well, hindi ikaw ang masusunod,” usal ni Juaquin.

“W-wala yan sa usapan nating dalawa!” inis niyang sambit.

“Wala nga pero nakasulat ito sa pinirmahan mong kontrata,” nakangising sinabi ni Juaquin sa kanya.