Kabanata 86

Corvus’ POV

Nakipagkita ako kay Nacho. Nagulat pa siya kasi dinalaw ko siya sa bahay nila. Niyakap pa niya ako nung makitang nakaupo ako sa sofa.

“Na-miss kita, Corvus,” malambing niyang sabi.

“Parang lumalaki na ang katawan mo, ah?” pansin ko.

“Oo, may nahanap na rin kasi akong gym instructor na medyo hawig sa ‘yo,” sagot niya kaya napangiti ako.

“Mabuti kung ganoon. Anyway, gusto mo bang sumama sa akin. May gustong makipagkita sa ‘yo. May gustong kumausap sa ‘yo,” sabi ko sa kaniya na pinagtaka naman niya agad.

“Sino naman ‘yan? Naku, Corvus, baka kung sino ‘yan, ha!”

“Basta, surprise. Sumama ka na lang sa akin. Gumayak ka na, libre ko na rin ang lunch natin,” sabi ko kaya napapayag ko rin siya na sumama

Habang nasa biyahe na kami papunta sa restuarant na pagkakainan namin. Na-topic namin ‘yung pagkasunog sa bahay ni Geneva. Na-ospital pala si Geneva kasi halos nasunog ang balat niya habang palabas ng bahay niya. Late na niya nakitang malaki na ang sunog nung lumabas siya sa banyo.