Kabanata 1396

“Narito ang mga resibo ng mga check-up at iba pang tests na may kinalaman sa pagdadalang-tao. Buwan-buwan din siyang sumasailalim sa maternity check-up.”

Ipinakita ni Rodney ang mga report. “Ano’ng gagawin ko kapag nakita mong bugbog-sarado ang asawa mong apat na buwang buntis? Inaamin kong naging marahas ako, at humihingi ako ng pasensya para roon. Ngunit kung kayo ang nasa aking kinatatayuan, hindi niyo rin mapipigilan ang inyong mga sarili.”

Sumagot ang reporter. “Ngunit sa aming nalalaman, naunang umatake sa Jackson Corporation si Miss Lynch, dahil kung hindi’y hindi naman siya lalapitan ni Linda Shelby upang magmakaawa. Sa huli’y naging mayabang pa rin si Miss Lynch.”

Sumimangot si Freya. “Palagay ko’y napanood na ninyo ang video. Kung gayo’y alam ninyo dapat na hindi ko hinawakan si Linda mula simula hanggang sa dulo. Bigla na lamang siyang nagpakita, lumuhod sa aking harapan, at nagmakaawa. Litong-lito ako noon. Sa katunaya’y hindi ko rin naman siya masyadong kilala kaya’t hi