Kabanata 1280

“Bakit ba ito nangyari?”

Biglang tumalikod si Wesley. Mapanakot ang kanyang mga mata. “Sino’ng gumawa nito?”

“Marahil ho’y… ang mga Jewell.” Tugon ni Nash. “Alam niyo ho siguro na malaki ho ang impluwensya nila sa higit kalahati ng mga ospital sa banda. Isang salita lamang ng mga Jewell ay…”

“Chester Jewell.” Pinikit ni Wesley ang kanyang mga mata. Naaalala niyang matalik na magkaibigan sina Shaun at Chester.

Ignoranteng tao. Talagang kinalaban siya nito alang-alang kay Shaun. Kung gayo’y…

Matapos ang ilang sandali’y mulong humithit ng isang sigarilyo si Wesley. Mabagal itong nagsalita. “Planong magpakasal ni Chester sa isang artistang nagngangalang Cindy sa loob ng ilang buwan, hindi ba?”

“Tama ho iyon.” Tungo ni Nash at saka nagpatuloy, “Kung tutuusi’y sinuwerte ho si Cindy. Simula noong naging sila ni Chester, bumuti ang kanyang lagay sa mundo ng pag-aartista. Nagkaroon ho siya ng mga scandal, ngunit pinaggastusan ni Chester upang siya’y makabalik. Bukod pa ho riyan, balita ko