Tama nga, nang maupo si Elisia ay pasuray-suray na ang katawan nito. Wala sa loob na lumapit si Nathan para masuportahan siya. Nang lumabo na ang mga mata ay sumandal siya sa mga braso ni Nathan.Hinawakan ni Nathan ang mga balikat ni Elisia gamit ang parehong kamay. At ang buong dibdib niya ay nagsilbing sandalan ni Elisia. Marahil dahil mainit sa pakiramdam ang yakap ni Nathan o baka dahil masyado lang napagod si Elisia sa nakalipas na dalawang araw kaya matapos uminom ng marami ang talukap ng mga mata niya ay bumibigat na. Tila ba anumang segundo ay lalamunin na siya ng antok.“Tara na.” Nang makita siya ay si Mikey ang unang unang nagsalita. Sinulyapan nito si Dylan—na nakahiga na sa tabi niya dala ng antok. Hinila nito si Dylan patayo. “Sasabihan ko ang driver na ihatid kayo,” saad ni Nathan sa mahinang boses. “Hindi na, may susundo na sa'min.” Iwinagayway ni Duke ang mga kamay tanda na dapat niyang alagaan si Elisia. Ang tatlo ay sinuportahan ang lasing na si Dylan at sabay-
Sa gano'ng paraan, ang pagiging mapagmatyag ni Elisia dito ay unti-unting humupa. Ngunit mababakas ang kaunting pagkapahiya sa mukha niya.“Sorry,” paghingi ng paumanhin ni Elisia sa hindi magandang naging akto niya.“Okay lang.” Iwinagayway ni Nathan ang kamay, “Naiintindihan ko, pero masasabi kong nagkaroon ako ng kaunting pagkamakasarili.” Seryosong tinignan ni Nathan si Elisia.“Anong pagkamakasarili?”Si Nathan ay isang boss ng malaking kumpanya at hindi ito nagkukulang sa pera. Narito na ang lahat ng gusto nito. Anong pagkamakasarili pa ba ang posibleng narito? “Kagabi, nakahiga tayong pareho sa iisang higaan. Habang hawak ko ang kamay mo, ngayon lang ako nakaramdam ng sobrang kapanatagan.” Sa loob ng sampung taon ay walang oras na kumportable siya at payapa katulad ng kagabi. “Salamat.” Nauunawaan ni Elisia na isa iyong papuri mula dito. Malinis ang intensyon nito at mukhang seryoso naman itong walang nangyari. At sinabi nitong magandang bagay iyon kaya nakaramdam ng hiya si
Tinawagan ni Elisia si Jake at plano niyang magsabi dito para makapag-leave muna sa trabaho. “Bakit bigla mo na lang gustong lumiban sa trabaho kung kailan katatapos mo lang magtanghalian?” Hininaan ni Jake ang boses at tumayo sa gilid ng pasilyo. “Pupunta rin ang direktor sa meeting mamayang hapon. Kapag hindi ka pumunta, hindi ko alam kung ano ang sasabihin ni Janna at Rain.” “Okay lang, normal na leave ang hinihiling ko, personal leave. Nagpasa na ako ng mga pormalidad. Gusto ko lang sabihin sa’yo na may nangyaring hindi inaasahan. Parang-awa mo na, tulungan mo ako,” saad ni Elisia, “Lilibre kita ng hapunan pagbalik ko.” Matapos no'n ay binaba na ni Elisia ang cellphone. “Tara na, te. Labas tayo punta tayo sa karnabal.” Kinuha ni Elisia ang kamay ni Danica at plano niyang lumabas para maglakad ngunit iniling nito ang ulo. “Ayoko, gusto kong manood ng movie.” Kaya't matapos ang kalahating oras, si Elisia at Danica ay sabay na umuwi sa bahay. Ang bahay ni Danica ay kabibili lang
Bakit wala siya dito ngayon?Hindi pinansin ni Nathan ang station manager na nangunguna sa daan. Humakbang siya palapit. Nang isang metro na lang ang pagitan niya sa workstation ni Elisia ay huminto siya.Habang nakatayo doon, kitang-kita niya ang mga bagay na nakalagay sa workstation ni Elisia. Napakalinis nito at walang masyadong gamit ang nakapatong doon. Maliban sa computer na naroon ay may ilang gamit lang ang nasa ibabaw. May mga notebooks at lapis. Sa taas at kanang bahagi ay may paso ng halaman na simple at malinis tignan. Nang makita ng station manager ang pagtigil ni Nathan, sikreto itong nakipagpalitan ng tingin sa deputy station manager. Iniisip ba ni Mr. Lucero na tignan ang opisina ng asawa? Ngunit nahihiya lang itong magtanong? Kaya naman plano ng tagapangasiwa ng istasyon na samantalahin ang sitwasyon at gawan ng paraan si Nathan.“Mr. Lucero, ang opisina sa loob ay ang opisina na hinanda namin para sa mga magagaling na mamamahayag na kasisimula lang ngayong taon. Pw
Hindi gaanong nakapagpahinga si Danica nitong mga nakaraan dahil naging abala siya sa paghahanda para sa interbyu at sa araw-araw na trabaho niya. Matapos panoorin ang palabas ay agad din siyang nakatulog. Nagtungo si Elisia sa kwarto at kumuha ng kumot para kay Danica. Binalutan niya ito ng kumot, pagkatapos ay kinuha ang digital tablet para sa planong pagguhit para sa gagawing komiks.Nang bilhin ni Danica ang bahay ay naghanda rin ito ng isa pang kwarto para sa kanya. Maliban sa kwarto, mayroon ding iba't ibang personal na kagamitan kasama na ang digital tablet. Naaalala pa ni Elisia noong hawakan ni Danica ang kamay niya at ipakita sa kanya ang lugar na nireserba nito para sa kanya. Naaalala pa ni Elisia noong unang nalaman niyang may sakit si Jace. Nalugmok siya noon, mabuti na lang at kasama niya si Danica noong mga oras na ‘yon. Maraming beses na naniwala si Elisia na hangga't may Elisia at Danica sa mundo, hindi siya matatakot gaano man karami ang paghihirap na kahaharapin ni
Nang makitang maraming mga nakakainsultong pribadong mensahe at komento para sa kanya. Nakaramdam ng galit si Elisia noong una ngunit unti-unti ay tila namanhid na siya.Maya-maya ay naisip niya kung gaano kalungkot ang mararamdaman ni Danica kapag kinaharap nito ang mga ganitong bagay. Mas lalo siyang nalulungkot para dito. “Anong ginagawa mo?”Nakatingin si Elisia cellphone niya ngunit nakarinig siya ng tila naguguluhang boses. Nang iangat niya ang paningin ay namataan niyang si Danica iyon na kagigising lang.“Wala.” Tinignan ni Elisia si Danica, “Nakikipagtalo sa mga netizens.”“Nakikipagtalo?”Nang sabihin iyon ni Danica ay bigla na lang nawala ang antok niya. Lumapit siya sa tabi ni Elisia at tinanong ito kung ano ang nangyayari.“Wala na talaga akong masabi sa grupo ng mga taong ‘to.” Sinabi ni Elisia kay Danica ang buong kwento at pinagaan naman ni Danica ang loob niya bilang kapalit. Sinabi nito na huwag siyang masyadong mag-isip. Ngunit niyakap pa rin ni Elisia si Danica n
Ang opinyon ng publiko ay bumaliktad na ngayon at ang hindi makatarungang kinaharap ni Danica ay naitama na.Ngunit si Clara ay nawalan ng gana.Sa loob ng mansyon nang gabing iyon ay halos umusok ang ilong niya sa galit ng makita ang balita sa internet. Itinapon niya ang cellphone niya sa sahig. Ang lalaking katabi niya ay lumapit at magaang tinapik ang balikat ni Clara upang iparating na huwag na siyang magalit. “Baby, huwag ka ng magalit. Hindi ‘yon karapat-dapat kung magagalit ka at masasaktan mo ang sarili mo.” Tinignan ni Leo ang galit na ekspresyon ni Clara at sinimulang pagaanin ang pakiramdam nito. “Huwag magalit? Paanong hindi ako magagalit?” Humarap si Clara at ipinako ang tingin kay Leo ng may galit ekspresyon. “Sinabi mo sa’kin na hindi na makakabalik si Danica kapag ginawa mo ito. Pero ngayon hindi na maganda. Maayos na si Danica at nakahanap na siya ng maraming tagasuporta. Ngayon ang mga netizen ay nandito para pagsabihan ako. Ang lahat ng ito ay dahil sa masamang i
Maagang umalis sa trabaho ngayong araw si Nathan. Matapos umuwi sa bahay at makapaglinis ng sarili ay nakita niya sa cellphone niya ang mensahe na mula kay Elisia. ‘Sa bahay ako ng kaibigan ko tutuloy ngayong gabi at hindi muna ako makakabalik.’‘Okay, mag-iingat ka.’ Sa ganitong oras, palaging narito si Elisia sa tuwing umuuwi si Nathan mula sa trabaho. Sanay siyang nakikita si Elisia. Ngayon, hindi siya kumportableng mag-isa.Sa kabilang banda, nakita niya ang mensahe na mula sa Lola niya.‘Oh, ang weirdo kong apo, kailan mo balak dalhin ang manugang ko sa apo pabalik?’Matapos iyon pag-isipan ay tinawagan ni Nathan si Elisia.Sa kabilang dako, si Elisia at Danica ay naghanda ng pagkain sa lamesa at planong maglasing ngayong gabi at mag-usap magdamag. Ngunit nakatanggap siya ng tawag mula kay Nathan.“Natawag boss ko, sagutin ko muna.” Itinuro ni Elisia ang cellphone at sinabi iyon kay Danica.Tumango naman si Danica.“Hello, Mr. Lucero?” “Kumain ka na ba?” Naisip ni Nathan na ba
“Tina, bakit pakiramdam ko ang wirdo ng mga nangyayari.” Si Mike at ang store manager ay lumabas ng kwarto at pinaalis ang mga taong nasa paligid nila. Lumapit si Mike sa manager at sinabi rito ang pagdududa niya. “Anong problema?” Hindi pa rin ito gaanong maintindihan ng manager.“Sabihin mo, talaga ba na ang dalawang taong iyon ay si Mr. Lucero at Mrs. Lucero?” Tinignan ni Mike ang manager ng may mahinahong ekspresyon sa mukha. “Sa pagkakaalam ko, si Nathan Lucero lang ang nag-iisang tagapagmana ng Lucero's Group. Ang matandang Lucero ay isang taong hindi nagbabago ng isip. Sa tingin mo ba, papayag ang matandang Lucero na ang apo niya ay naghahanap ng taong magdadala ng items para sa kanya? At kasal na siya, bakit kailangan pa niya ng taong magdadala ng items para sa kanya?”“Marahil dahil naaawa siya sa sakit na mararamdaman ng asawa niya sa panganganak. Normal naman iyon,” saad ng manager, “Marami tayong mayayamang asawang babae noon na pumunta sa'tin dahil nag-aalala sila na maw
Nakaupo si Elisia sa tabi nito, bahagyang nalula siya sa mga sinabi nito. Pakiramdam niya ay maling gamot ang nainom nito ngayon. Sa huli, dalawang beses lang siyang naubo, hindi na siya kumibo pa at tahimik na lang na naupo sa tabi nito.Ikinalma ni Jake ang sarili at inobserbahan ang estado ng dalawang tao sa likuran niya sa rearview mirror. Matapos magmaneho ng mahigit kalahating oras, ang senaryo sa paligid nila ay mas lalong umonti. At sa wakas, ang kotse ng store manager ay huminto sa puting building.“Mr. Lucero, Mrs. Lucero.” Pagkaparada ng sasakyan, tumakbo palabas ng kotse ang store manager at magalang na sinalubong sila Nathan at Elisia.Ang dalawa ay nagkasundo sa loob ng kotse. Dahil handa siyang tulungan ni Nathan, sisiguraduhin ni Elisia na gagamitin niya ito ng tama. Kaya naman ng makababa sa kotse, natural na kinuha niya ang mga braso nito.Naglakad silang apat papalapit sa gate. Nang makita nila ang puting building sa harap nila, hindi pa rin maiwasang magulat ni E
Matapos dumating ni Nathan, mas lalong naging mapagbigay ito. Gumastos lang naman ito ng nagkakahalaga ng walong numero sa tindahan.Hindi niya alam kung ang paggastos nito ay para galitin si Jake o para tuluyang maalis ang pagdududa ng store manager. Ngunit ano man sa dalawa, ang paggastos na iyon ay talagang labis na ikinabahala ni Elisia.Okay, ang pera ba ng mayayaman ay hindi mabibilang na pera? Ang gano'n kalaking pera, gagastusin lang nito dahil sinabi nito?Sobrang nababahala si Elisia, ngunit sa kabila no'n ay hindi naman maitago ang ngiti sa mukha ng store manager. Matapos ang kalahating oras, matapos ang paalala ni Elisia, sa wakas ay opisyal na itong nailagay sa pang-araw-araw na routine. Ang store manager ang nagmamaneho sa unahan upang pangunahan ang daan. Sa likod naman nito ay si Jake, at si Nathan at Elisia ay nakaupo sa likurang upuan. Sinusundan nila ang kotse ng manager papunta sa destinasyon nila.“Bakit nandito ka? Wala ka bang gagawin ngayong hapon?” Medyo nasu
“Mr. Lucero, may bagay akong ire-report sa’yo.”Katatapos lang ni Nathan sa meeting at kasalukuyan niyang binabasa ang bagong kontrata na para sa proyektong promosyon, nang kumatok si Simon sa pinto ng opisina niya. “Anong problema?”“Ngayon lang, ang asawa mo ay nagpunta sa bagong bilihan ng electronic equipment sa lungsod at bumili siya ng maliit na camera at microphones.”Pagkasabing-pagkasabi no’n ni Simon, si Nathan na nakayuko at abala sa pagpirma ng mga dokumento ay mabilis na naitaas ang ulo at tumingin kay Simon. “Kaibigan ko ang manager ng electronic equipment store. Sinabi niya lang sa'kin na may customer daw sila na bumili ng latest na equipment at bumili ng nagkakahalaga ng libo-libo ng hindi man lang kumukurap,” mabilis na paliwanag ni Simon, “Nagpadala rin siya sa'kin ng larawan. Nang makita ko, doon ko nalaman na ang asawa mo ‘yon.”Nang sabihin niya iyon, mabilis na ipinakita ni Simon kay Nathan ang chat record nila ng kaibigan niya.Nilakihan ni Nathan ang larawan
“Handa ka na?” Sa loob ng opisina, si Elisia at Jake ay handa ng umalis. Naglagay na ng maliit na camera si Elisia, may kasama na itong radio function. Para sa kaligtasan niya, nagdala rin si Elisia ng pepper spray at ilang maliliit na kagamitan para maprotektahan ang sarili. Kung saan inilagay niya sa isang mamahaling bag na nabili niya sa luxury store ilang araw na ang nakalilipas. “Tara na.” Tinapik ni Elisia ang bag at ramdam niya na halos handa na ito. Kaya naman sinabihan niya si Jake na umalis na.Ang dalawa ay sabay na umalis sa trabaho habang mababakas naman sa mukha nila ang espiritu ng pagiging palaban. Ang postura nila ay naagaw ang pansin ng mga kasamahan nila sa trabaho. Ilan sa kanila ay nagsama-sama at nagbulungan.“Narinig ko na nakakuha raw ng malaking balita si Elisia at Jake.”“Malaking balita, anong klaseng malaking balita naman iyon?” Nang marinig iyon, ang katrabaho na katabi niya ay napuno ng pagkadisgusto, “Sa panahon ngayon, mas mabilis na nalalaman ng mga
Kinaumagahan, nang magising si Danica, nakaalis na si Elisia. Bago umalis, naghanda ito ng mga bagong damit para kanya. Nang makapagpalit ng damit at makalabas, namataan niyang may nakaupo sa sala sa labas. Mukhang suot rin ni Duke ang bagong damit ni Nathan. May almusal na rin sa lamesa. Nang marinig nitong bumukas ang pinto, tumingala ito at tinignan si Danica. Nang magtama ang mga mata nila ay nakaramdam siya ng hindi maipaliwanag na pagkailang.“Magandang umaga,” naiilang na unang bumati si Duke, “Pumasok na sa trabaho si Nathan at Elisia, kumain ka muna ng almusal.” Dahil sinabi na nito, nahiya na ring tumanggi si Danica.Kaya naman sinunod na lang niya ang sinabi nito at naupo sa hapag.May gatas at sandwich sa lamesa, kaya naman masunuring ininom ni Danica ang gatas. “Salamat kahapon.” Kahit na lasing si Duke, may impresyon pa rin siya sa naging ugali nito kagabi. “Sinabi ni Nathan na nagulo kita. Wala naman akong nagawang nakakahiya, ‘di ba?” Nang makitang walang maalala
Parang may humaplos sa puso ni Danica at Elisia sa sinabi ni Nathan.Matapos ang lahat, ang assistant ni Kyla ang pinakahuli sa mga may kinalaman sa bagay na ito. “Pero ang magagawa ko lang sa kasalukuyan ay ang kontakin ang assistant ni Kyla para alamin kung handa ba itong linawin at sabihin ang mga kasinungalingan ni Kyla. Kung hindi niya gusto, hindi natin siya pipilitin.” Nagmamaneho si Nathan ng may kalmadong ekspresyon sa mukha. “Mas mabuti kung lilinawin niya iyon, pero malilinis pa rin naman natin ang pangalan ni Duke kahit wala siya.” “Salamat, President Lucero.” Nang maisip ang nakakaawang itsura ni Duke kanina ay kusang nasabi iyon ni Danica.Sinulyapan ni Nathan si Danica sa rearview mirror at nasaksihan niya itong nakatingin kay Duke. “Hindi na iyon mahalaga, parang kapatid ko na si Duke, gagawin ko ang lahat para malinis ang pangalan niya.”Matapos sabihin iyon ni Nathan, biglang napagtanto ni Danica ang sinabi nito. Si Nathan at Duke ay mabuting magkaibigan, hindi nga
Napataas ang tingin ni Duke sa hawak ni Danica. Tinignan niya ito ng may mamasa-masang mata.Natigilan si Danica sa ekspresyon nito. Ito ang unang beses na may lalaking tumingin sa kanya ng ganito dahilan para hindi niya malaman kung ano ang gagawin niya. Gusto niyang bawiin ang kamay sa pagkataranta, ngunit pinangunahan siya ni Duke, ipinatong nito ang malaking kamay sa ibabaw ng kamay niya.“Napakabait mo, Danica.”Naalarma ang bell sa puso ni Danica. Ang maharot na tono ni Duke ay iwinawala siya sa katinuan. Si Director Duke na madalas ay seryoso ay bigla na lang naging maharot na tuta.Ang ganitong presensya nito ang dahilan para hindi niya malaman kung ano ang dapat niyang gawin.Matapos ang mahabang sandali, tinanggal niya ang kamay sa ilalim ng palad ni Duke at pagkatapos ay kinuhanan niya ito ng ilang pagkain gamit ang chopsticks. “Kumain ka na, huwag kang mag-isip ng ibang bagay.” Nang maisip na may taong sasamahan siya, pinulot ni Duke ang chopsticks at kumain ng may masama
Dahil sinabi ni Nathan na siya na ang bahala, sisiguraduhin niya na maaayos niya ito.Nang sa wakas ay matapos ang filming, hinikayat ni Nathan si Duke na huwag ng masyadong mag-isip. Siya na ang bahala sa iba. Sa grupo nila, nagsalita rin si Mikey, sinabi nito na mag-po-post din ito sa Weibo para ipagtanggol si Duke.Matapos ang lahat, mayroon ding mga tagahanga si Mikey sa circle.Nakaramdam ng sobrang pagod si Duke. Matapos gawin iyon ni Kyla, imposible ng matuloy ang pakikipagtrabaho niya rito. Ang role nito ay positibo rin. Teammate ito ni Sol na ginanapan ni Danica. May magandang proseso rin ito ng paglago at ilang highlights sa palabas. Pero ngayon, nang makita ang estado ni Kyla ng paglalagay ng asin sa sugat, hindi nito kayang gampanan ng maayos ang role nito. Nagpadala siya ng mensahe kay Nathan, sinabi niya na hindi niya hahanapin si Kyla para sa role nito. Magpapalit na lang sila ng tauhan. Sinabihan lang siya ni Nathan na kumalma muna at bibigyan siya nito ng resulta.H