Chapter 62

Noong una pa lang ay wala ng pakialam si Sierra kung lumabas siya sa banyo ng nakamanipis na damit at walang suot na panloob, kasi imbalido naman si Marco. Hindi naman siya nito nakikita.

Ngunit ibang-iba na ngayon! Gising na ang lalaki at kahit asawa niya ito ay hindi pa naman nito nakikita ang katawan niyang hubo’t hubad! Baka akalain nito na sinasadya niyang ganoon ang isuot dahil inaakit niya ito.

Naramdaman niya ang pag-akyat ng init sa kanyang mukha, hindi niya alam kung anong gagawin niya. Ang tumakbo ba sa banyo at magpalit o kausapin na lang si Marco sa ganoong ayos. Para namang walang pakialam ang lalaki sa kanya at malamig lamang siyang tiningnan.

Para bang walang nakikitang dedeng bumakat!

Mas mainam na ngang siguro iyon kaysa naman bigyan pa niya ng malisya. Bakit naman magkakamalisya eh, hindi naman siya nito gusto? Wala naman itong pake sa kanya!

“Uhm…” tumikhim si Sierra upang ayusin ang sarili. “B-Bakit ka nandito? May kailangan ka ba?” Nagpasalamat na lang talag