Chapter 60

Inutusan ni Stevan si Sierra na sumunod sa study nito.

Kinausap pa sandali ni Sierra ang mga biyenan bago tuluyang sumunod kay Stevan Montezides.

Nang buksan ni Sierra ang pintuan ng study ay nakita agad niya si Stevan na nakaupo sa swivel chair nito at nagsindi ng sigarilyo. Ibinuga muna nito ang usok galing sa bibig nito bago siya tuluyang hinarap, iminuwestra nito ang ang pang-isahang sofa.

Naupo si Sierra doon.

“Nagboluntaryo ka bang magpakasal kay Marco?” Diretsa nitong tanong.

Nagulat man sa diretso nitong tanong ay sumagot pa rin si Sierra. “Yes, sir.” Magalang niyang tugon.

“Anong layunin mo?” Dugtong nito. “Pumirma ka ng pre-nuptial agreement na siyang nagsasaad na hindi ka mangingialam sa mga properties na pag-aari ng mga Montezides. Huwag mong sabihing nahulog ka sa isang imbalidong lalaki? Dahil napakalabong mangyari iyon,” sarkastiko pang tumawa si Stevan.

“Para po sa pag-aaral ng anak ko, sir.” Sagot ni Sierra.

Nangunot ang noo ni Stevan. “Talaga? Dahil sa