Kabanata 56.1

Kabanata 56.1

“Tito Jett!” Sinalubong ni Yael ang pagdating ni Jett. Pawis na pawis ito na para bang katatapos lang tumakbo ng ilang kilometro. Kumunot ang noo niya. “Tito, sino po siya? Girlfriend mo?”

Tiningnan nang masama ni Jett si Yael. “She's not my type at kahit siya na lang ang natitirang babae sa buong mundo, hinding-hindi ko siya papatulan.”

Umikot ang mga mata ni Nadia. “As if naman papatol ako sa'yo. Mas cute pa ang pamangkin mo kaysa sa'yo eh,” pang-aasar niya. Nilapitan niya si Yael. “Where's your daddy and mommy? Kasama mo ba sila rito?” Luminga-linga siya sa paligid.

“Hindi po. Si Tito Jett lang po ang kasama ko. Sino po ba kayo?” tanong ni Yael.

“I'm Nadia Wrights. Tita ako ni Mereya, ang mapapangasawa ng iyong Tito Jackson. Ikaw? Anong pangalan mo?” Lumuhod si Nadia sa harap ni Yael at inilahad ang kaniyang kamay.

Agad namang nakipag kamay si Yael. “Ako naman po si Yael. Nalulugod po akong makilala kayo, Miss Nadia.”

“You can call me aunty or tita. Masyadong pormal a