Kabanata 51.5

Kabanata 51.5

Nag-iimpake na si Set ng mga gamit ni Don Vandolf sa hospital. P’wede na raw itong lumabas ayon sa personal doctor nito. Tumawag din sa kaniya si Jackson para ipaalam ang tungkol sa kasal. Hindi mawala ang ngiti sa labi niya at halos mapaluha na nga siya sa sobrang galak.

“Sa wakas, magkakaroon na rin ng kaniyang happy ever after si Sir Jack. Siguro naman ay mababawasan na ang kaniyang pagsusungit,” natatawang bulong ni Set.

“Ibig mo bang sabihin ay magpapakasal na ang aking panganay?”

Naka-ilang kurap si Set bago siya humarap kay Don Vandolf. Nakangiti ito sa kaniya. “Senior, nagsalita po ba kayo o guni-guni ko lang ‘yon?”

Ngumuso si Don Vandolf at sumipol. Naisip niyang biruin si Set kaya umung0l lang siya nang umung0l.

Napakamot sa kaniyang ulo si Set bago bumalik sa kaniyang ginagawa. “Kailangan ko na yatang matulog ng walong oras sa isang araw bago pa ako masiraan ng bait,” aniya.

“Sinabi ba sa’yo ni Jackson kung saan sila magpapakasal ni Eya?”

Mabilis na umikot si