Kabanata 2316

Naging mapait ang ngiti ni Nelson habang nagsasalita siya. Para bang iniinsulto niya ang kanyang sarili at pati na rin ang mga taong nag-usap tungkol dito noon.

“Akala ko na basta hindi natin sila gagalitin, at basta hindi tayo mangialam sa kanila, hindi tayo malalagay sa panganib. Sinong mag-aakala na bigla silang hihinto sa paglalakad noong napansin nila tayo, at susugod sila sa’tin.

“Tumakbo kaming lima noong sandaling napansin namin na may mali. Subalit, masyado kaming mabagal, at di-kalaunan ay naabutan nila kami. Hindi sila nag-abala na makinig sa’min, kung sino kami o kung saan kami galing, ang unang bagay na ginawa nila ay atakihin kami gamit ng mga sandata nila!”

Nanginig ang buong katawan ni Nelson, namula ang kanyang mga mata habang bumabalik sa kanyang isipan ang mga nangyari. Napakamiserable ng pakiramdam niya.

Lumunok siya at nagpatuloy, “Paano namin sila magagawang labanan? Nanood lang ako habang pinapatay nila ang kapwa ko disipulo sa harap ko. Noong mga sandaling i