Kabanata 127

Sa sandaling ito, tila may naalala si Selena. Tinapik niya ang balikat ni Fane. "Sandali. Huminto ka!"

Agad na pinarada ni Fane ang electric scooter sa gilid ng kalsada. "Anong problema?"

"Mahusay makipaglaban si Dan Jameson, pero ni hindi niya inangat ang kamao niya sayo. Humingi siya agad ng tawad sayo."

"Tapos sinabi niya pa kay Mr. Meyer na takot si Young Master Clark sayo. Bakit? Sino ka ba talaga?"

Nag-uusisang nagtanong si Selena.

Napangiti lamang si Fane noong marinig niya ang mga sinabi ni Selena. "Dahil dati akong sundalo. Nilabanan ako ni Dan dati, pero hindi naman yun talaga matuturing na laban. Nagbunong-braso kami. Natalo siya at pinutol niya ang daliri niya dahil alam niyang hindi niya kayang pantayan ang lakas ko. Aaminin ko, isa siyang tunay na lalaki. Yun ang dahilan kung bakit takot sakin si Young Master Clark…"

Huminto sandali sa pagsasalita si Fane bago siya nagpatuloy, "Isipin mo. Kahit na ang pinakamalakas na tauhan ng mga Clark ay walang laban sakin.