"Nan...nandito ka na pala." Bati ni Ling Yiran habang gumigilid para papasukin si Yi Jinli. "Ate, kanina ka pa siguro naghihintay." Natatawang sabi ni Yi Jinli at naglakad papunta sa lamesa, kung saan nakita niya nanaman ang mga kopya ng kaso ni Ling Yiran na nakalatag sa lamesa. Biglang kumunot ang noo ni Yi Jinli at kumuha ng ilan sa mga papel na nakalatag. "Ate, tinitignan mo nanaman ang kaso mo?" Halos hindi makagalaw si Ling Yiran. Oo, nasabi niya noon kay Yi Jinli ang tungkol dito, pero noong panahon na yun, wala naman siyang kaalam alam sa tunay nitong pagkatao. Pero ngayon na alam niya na, magkahalong hiya at pagkadesperado ang naramdaman niya nang marinig niya ang tanong nito. Kasi kahit anong sabihin niya na inosente siya, totoong nangyari pa rin ang aksidente at ang taong napatay niya ay ang fiance nito! "Bakit ate?" Tanong ni Yi Jinli nang hindi sumagot kaagad si Ling Yiran. "Ah... tinitignan ko lang." Napalunok ng laaway si Ling Yiran sa sobrang kaba. "Oo nga
"Bakit naman hindi?" Natatawang sagot ni Yi Jinli. "Responsibilidad kong magpakasal kaya ano pang pinagkaiba kung ngayon o pag tumanda na ako mag asawa? Maganda ang record ni Hao Meiyu at kapag kinasal ang Yi sa Hao Family, matutulungan nila kami sa shipping line namin, kaya bakit hindi?" Habang pinakapinggan ni Ling Yiran si Yi Jinli, nasasaktan siya... Na para bang.... hindi nito alam ang ibig sabihin ng pagmamahal at pati kasal ay negosyo lang para rito... Ano ba talagang mahalaga sa isang Yi Jinli? "Pero ngayon, napag isip-isip ko na mas magandang ikasal ako sa babaeng mahal ako." Tumingin si Yi Jinli kay Ling Yiran at nakangiting pagpapatuloy. Kaya dali-daling umiwas ng tingin si Ling Yiran, dahil pakiramdam niya ay siya ang pinatatamaan nito. Sinasabi ni Ling Yiran sa sarili niya na wag siyang magisip ng mga ganung bagay. Magkaiba ang mga mundo nila at kahit kailan hindi sila magiging magkaparehas. 'Kapag naibigay ko na ang gloves sakanya, sigurado ako na hindi na kam
"Oo!" Walang pagdadalawang isip na sagot ni Ling Yiran. "Para sakin, ang malaman ko kung ano ang totoo ang pinaka mahalaga!" "Three years ago na noong nangyari ang lahat. Sigurado ako na wala na ang mga ebidensya at mga surveillance videos. Sa tingin ko, medyo mahihirapan na nga tayong baliktarin ang kaso, malaman pa kaya ang katotohanan?" Sagot ni Yi Jinli. Pinilit ni Ling Yiran na ngumiti. Naiintindihan niya na ang pakay ni Yi Jinli ay baliktarin lang ang kaso niya at wala na itong pakielam sa kung ano ang totoo sa hindi. Mukhang wala talaga itong pakielam sa posibilidad na baka nagsuicide si Hao Meiyu noong gabing yun... Siguro nga kasi wala itong nararamdaman para kay Hao Meiyu kaya hindi ito apektado sa pagkamatay nito. "Yi Jinli, hindi mo mahal si Hao Meiyu." Walang pagdadalawang isip na sabi ni Ling Yiran. Tinitigan ni Yi JInli si Ling Yiran sa mga mata at sumagot ng may seryosong tono. "Kailan mo ba narinig na sinabi kong mahal ko siya?" "Sinong mahal mo?" Nang mari
Sobrang nakakatawa lang.... Hindi na sumagot si Ling Yiran, at yumuko nalang siya para kunin ang gloves na tinahi niya sa drawer. "Ito na yung gloves na pinangako ko sayo." Mabusising tinignan at sinukat ni Yi Jinli ang gloves. "Ang ganda, Ate. Parang yung scarf din na tinahi mo. Ang sarap suotin." "Hindi mo kailangang suotin yan. Tatawanan ka lang ng mga tao kapag nakita nilang suot mo yan." Pagpapakatotoo ni Ling Yiran. Naisip niya lang na kung ipapares sa maganda nitong damit, magmumukha lang katatawanan ang scarf na ginawa niya. "Hindi ba bagay sakin?" Natatawang sagot ni Yi Jinli. "Ate, para sakin, wala akong pakielam kung anong sabihin ng iba sa damit ko, ang mahalaga sakin ay sa komportable ako at bagay sakin. Kagaya nitong scarf na 'to, pag sinabi kong bagay to sakin, bagay to sakin!" "Isa pa, ate ko kaya ang nagtahi nito. Kaya.... bagay to sa lahat ng damit na isusot ko!" Nang marinig yun ni Ling Yiran, biglang bumilis ang tibok ng puso niya. Kung ibang tao siguro
Ang role na naibigay kay Ling Yiran ay isa sa mga katulong. Wala siyang ibang gagawin kundi ang tatayo at yuyuko sa kung saan siya gustong papwestuhin ng direktor. Marami silang mga katulong at sa script nila, hihintayin nila ang mga bida na dumaan, pagkatapos luluhod sila sa harap ng mga ito at magalang na sasabihin. 'Hinihiling po namin ang kaligayahan at kapayapaan ninyo, Master at Madam." At dahil luluhod sila, may dagdag silang bayad na 50 yuan kaya ang 80 yuan nila ay magiging 130 yuan. 'Luluhod lang ako, tapos okay na. Kahit naman siguro mga sikat na artista lumuluhod din diba? Isa pa, para sa isang taong mahirap na kagaya ko, hindi na malaking bagay ang pagluhod.' Malaki ang dressing room ng mga extra at lahat sila ay naghihintay na malagyan ng make up ng mga makeup artist. Mabilisan ang kilos ng mga makeup artist at kaya nilang tapusin ng lima hanggang anim na minuto bawat tao. Medyo natagalan bago sumagot si Ling Yiran. Nasa may bandang anit niya na ang peklat na ti
At bakit naman siya mahihiya? Legal naman ang ginagawa niya para kumita ng pera. "Kung gusto mo maging extra, bakit hindi mo sinabi sakin? Edi sana nabigyan ka nila ng role na medyo mas mahabang linya at hindi lang yun, mas malaki pa ang kikitain mo kumpara sa pagiging extra." Habang nagsasalita si Ling Luoyin ay hinihimas niya ang buhok ng ate niya, para ipakita nag mamahaling relo na suot niya. Natawa nalang si Ling Yiran sa ginagawa ni Ling Luoyin. "Basta ako, hindi ko ibebenta ang kapatid ko para lang magkaroon ng mas mahabang linya." "Ikaw..." Ang kaninang abot tengang ngiti ni Ling Luoyin ay biglang napalitan ng pagkairita dahil alam niya na inuungkat ni Ling Yiran ang ginawa niya noon dito nang minsan niya itong sinubukang ibenta sa assistant director. Pero may biglang pumasok sa isip niya kaya muli nanaman siyang nagtanong. "Kinakapos ka ba? Bakit kailangan mong maging extra? Wala bang nagbibigay sayo ng pera? Ganun ka na ba kahirap ngayon?" "Wala akong tungkuling sagut
Kapag naiisip ni Ling Luoyin si Gu Lichen, hindi niya mapigilang mag'alala na baka parating na ang kinatatakutan niyang araw, na magsawa ito sakanya, lalo na at wala pang nangyayari sakanila hanggang ngayon. Pero dibale... Ang mahalaga naman ay siya nag kinikilalang girlfriend ni Lichen ngayon. Para naman kay Ling Yiran, gusto niyang ipaintindi sa ate niya na bilog ang mundo. Noong nanghingi siya ng tulong dati, tinanggihan siya nito, at ngayon ipaparamdam niya rito kung ano ang pakiramdam ng higanti ng isang api. - Dalawang beses na nirehearse ng direktor ang mga extra bago sila isabak sa totoong scene. Habang nagrerehearse, hindi pa nakita ni Hao Yimeng si Ling Yiran dahil gumamit ito ng doubles. Samantalang si Ling Luoyin naman ay pinagpilitang siya talaga mismo at kahit rehearsal palang, sobrang pinanindihan niya na ang role niya. Si Ling Luoyin ang second female lead sa pelikulang ito. Ang role niya rito ay kabit siya ng bidang lalaki kaya maraming scene na magkasma
Alam niya na hindi naman siya sisingilin ni Lianyi, pero hindi niya naman masikmura na hindi siya nagbabayad sa dami na ng naitulong nito sakanya. Paulit-ulit na lumunod si Ling Yiran at gumapang papunta kay Ling Luoyin... Hanggang sa nagumpisa ng magalit ang iba pang mga extra dahil paulit-ulit nalang sila. May ilan pa ngang sumisigaw ng dagdag na bayad at dapat hindi sila pinagtitripan ng ganun. Nang makita ng direktor na naiinis na ang mga extra, tinawag na niya ang assistant direktor para kausapin si Ling Luoyin. Nakaramdam naman si Ling Luoyin na siya na ang pinaguusapan kaya nagpanggap nalang siya na kunwari nagiisip, "Eh ito? Sa tingin ko okay na. Ang ganda ng posture niya at tamang tama ang timing niya. Bakit kaya hindi mo idemo Miss para makita ng ibang extra kung ano ang dapat nilang gawin." Si Ling Yiran ang tinutukoy niya. "Pero yun ay kung gugustuhin ng extra na 'to na idemonstrate sa lahat. Kasi kung mangyayari yun, mas mapapagod siya kumpara sa iba."