Kabanata 1 Bagong Manliligaw

Lumipas ang isang taon.

"Marry me. I would rather spend one lifetime with you – than face all the ages of this world without you," sabi ng isang green-eyed, six-year-old little boy sa harap niya.

"Marry you? Papakasalan kita?" Habang ganap na naaaliw, si Scarlett ay medyo nabigla.

Nakataas ang magkabilang kilay, hinanap niya, "Saan---saan mo natutunan yan?"

"Edi sa, G - O - O - G - L - E. Lines yun sa Lord Of The Rings by JRR Tolkien," sagot ng binata sabay kindat.

Ngumuso si Scarlett at natawa sa kanyang gwapo at napaka adorable na admirer.

Matapos masaktan ni Luca ang kanyang puso, sinabi niyang maghiganti siya isang araw. Malas niya, dinurog ni Luca ang kanyang mga pangarap na maging isang abogado, salamat sa mga koneksyon ng lalaking yun. Hindi niya nagawang kumuha ng bar examr. Hinarang ni Luca ang pagtake niya nito, pati na ang pagkakaroon ng trabaho mula sa malaki hanggang maliliit na negosyo.

Dahil hindi siya umalis sa Braeton City, hindi rin siya makakakuha ng stable na trabaho. Sa tuwing nagtatagal siya sa isang trabaho, malalaman ni Luca ang tungkol dito, at siya ay matatanggal kaagad. She should have known better. Ang pamilyang James ang ikalimang pinakamayamang pamilya sa lungsod. Wala siyang laban sa kanilang kayamanan at impluwensya.

Sa huli, si Scarlett Barnes, ang biological child nina Cindy at Philip Barnes, isang tagapagmana dapat ng Barnes empire, isang lawyer in the making, ay nagtatrabaho ngayon sa isang restaurant bar sa gitna ng Braeton City.

Umasa si Scarlett na sa pamamagitan ng pagpapakita kay Luca ng kanyang bago at masayang buhay pag-ibig, sapat na yun bilang paghihiganti; ang kanyang kaligayahan pagkatapos ng bagyo.

Matagal na niyang pinangarap na isang araw, isang knight in shining armor ang tatangay sa kanya - isang guwapong lalaki, na may disenteng propesyon, ay mahuhulog ang loob sa kanya at magbibigay sa kanya ng kaligayahan na dati niyang ninanais. Pagkatapos ng isang taon, gayunpaman, ang kanyang hindi inaasahang proposal ay nagmula sa... isang six-year old na batang lalaki.

'Ayosi! Ito na ba ang pagkakataon ko sa kaligayahan?' Naisip niya. 'Ikaw ba ang aking knight in shining armor, little boy?'

Nauna niyang nakita si Luca at ang kanyang adopted sister na si Courtney na papasok sa Herbal Twist Restaurant. Sa pagsisikap na iwasang makasalubong sila, nagtago siya sa likod ng luma at hindi nagamit na bar counter, pinakamalayo sa likod ng establisyimento kung saan walang pinapayagang mga customer na makapasok.

Nakita na lang ni Scarlett ang sarili niya na kasama ang isang batang lalaki na, sa nakalipas na dalawang minuto, nakilala niya bilang Liam.

"Ano na, lady? Will you marry me?" Tanong ulit ni Liam, sa pamamagitan ng mahaba at makapal niyang pilikmata, nanatiling nakadikit sa kanya ang kanyang green orbs, ang cute at pinkish na labi nito na bumuo ng matamis na ngiti.

'Damn, ang cute niya talaga. Sayang naman...bata lang siya,' naisip niya, na naka-pout sa kanya.

"Ummm." Kinagat niya ang kanyang mga labi, namumula sa amusement sa proposal ng bata, at sinabing, "Hindi mo ba naisip na medyo matanda na ako para sa iyo? Ayokong ibreak yung heart mo ha, pero late ka na pinanganak eh.”

Napangisi ulit si Liam. Hinaplos ng kanyang maliliit na daliri ang kanyang kulay pulot na buhok at sumagot siya, "Miss Scarlett, mas matanda ka sa akin, pero hindi mo pa naririnig ang kasabihang, age doesn't matter?"

Nalaglag ang panga ni Scarlett. Agad na tinakpan ng kamay niya ang bibig para putulin ang tawa na kumawala sa labi niya. Sumagot siya, "Naku, naku. Mukhang may ginagawa sa iyo ang G - O - O - G - L - E."

Ngumisi siya.

Pagkatapos, nagpatuloy si Scarlett, "Liam, pasensya na, sweetie, pero napakalaki ng agwat ng edad natin. Hindi ito magwowork. Nasa hustong gulang na ako para maging nanay mo." Sa pagsisikap na makatakas sa pagtugis ng batang lalaki, nagtanong siya, “At paano ka nga pala napunta rito?

"Tumakas ako sa tatay ko." Ngumisi ang bata, at nanliit ang kanyang mga mata nang sabihin niya, "Dadalhin niya ako sa doktor eh. Ayoko ng karayom.”

"Well, mas gusto ko ang isang lalaking matapang. Isang taong hindi natatakot sa mga karayom," sabi niya nang wala sa oras, na pina-cross arm ang bata sa kanyang dibdib.

Mukhang hindi interesado ang bata na takpan ang kanyang takot sa karayom at hinanap niya, "Eh ikaw? Bakit ka nagtatago dito, Miss Scarlett?"

Napabuntong-hininga si Scarlett. Hindi siya ang tipong magsasabi ng kanyang malungkot na kuwento sa sinuman, pero ito ay isang inosenteng batang lalaki. Kaya, inihayag niya, "Nagtatago ako sa ex ko saka sa bago niyang girlfriend. Kinuha nila ang lahat sa akin, alam mo ba. Ayokong makita nila ako sa kaawa-awang kalagayan ko."

“Nandito sila? Saan?” Tanong ng bata, nagsalubong ang kilay niya ng curiosity. Talagang nagustuhan ni Liam ang babaeng nauna sa kanya kaya gusto niyang makita kung ang kanyang dating kasintahan ay isang karapat-dapat na kumpetisyon.

Nahihirapang sumilip si Scarlett sa isang bukasan ng counter, ini-scan ng mga mata niya ang buong restaurant kung may palatandaan ba sina Luca at Courtney. Nang matagpuan niya ang mga ito, itinuro niya ang kanyang daliri at sinabing, "Ayan na sila. Tingnan mo ang blond na lalaki at ang babaeng maikli ang buhok? Sila iyon."

Isang panunuya ang lumabas sa labi ni Liam habang sinasabing, "Para siyang isa sa mga bodyguard ko, malapit nang makalbo. Oo naman, may itsura siya, pero." Yumuko siya pabalik. Iniunat niya ang kanyang mga braso at binalik ang tingin kay Scarlett bago nagmungkahi, "I promise you, kapag nawala lahat ng baby fats ko, mas gwapo ako kaysa sa lalaking iyon."

Kinindatan siya ni Liam at idinagdag, "Lady, ako ang better choice."

Scarlett, "...”

Nakatakip ang kamay sa bibig at ang isa sa tiyan, muling nagpakawala ng tawa si Scarlett. Naaaliw lang siya sa maliit na bata kaya hindi niya maiwasang puntahan ito ng paulit-ulit. Sa huli, nagsalita siya, "Alam mo, para sa six-year-old, nagsasalita ka na parang ano ka? Isang Casanova sa kanyang twenties."

"Lady, seryoso po ako." Idinagdag niya. "At kung mayroon kang anumang mga pagdududa tungkol sa genes ko, kapag nakilala mo ang dady ko, malalaman mo na ang kahanga-hanga ang genes ko."

"So gusto mong makilala ko ang papa mo ngayon?" Tanong ni Scarlett na nakangisi pa sa cute na bata. "Para lang ipakita kung gaano ka kagwapo, 20-30 years mula ngayon?"

Nang akala niya ay patutunayan ni Liam ang kanyang punto, tumahimik siya bigla. Sumimangot ang mukha niya nang bawiin niya ang sinabi niyang, "Nevermind."

"Nagsinungaling ako. Hindi galing sa tatay ko ang kagwapuhan ko. Sa lola at lolo ko pa yata nakuha." Pinanatili niya ang kanyang pagngiwi at idinagdag, "Hindi mo makikita ang daddy ko."

Naisip ni Liam, baka ang daddy niya pa ang magiging pinakamalaking kakompetensya niya sa puso ni Scarlett. Yung ex madali lang yun malamnagan, pero ang kanyang daddy niya? Ang pagiging huling unmarried heir ng Wright Diamond Corporation, isang multibillion dollar company sa bansa, ay walang alinlangan na pinaka-eligible na bachelor ng lungsod. Hindi niya hahayaang makilala ng dilag na ito ang kanyang ama. Hindi pwede.

Mahal na mahal niya si Scarlett. Napakatamis ng kanyang ngiti at ang kanyang mga hagikgik ay nakakaakit. Higit sa lahat, naramdaman niyang napakagandang babae si Scarlett para sa pakikipag-usap sa kanya at pakikinig sa kanyang proposal nang hindi nagbibigay ng anumang hitsura ng hindi gusto. That also essentially made him believe, nagkaroon siya ng pagkakataon.

"Hindi mo magugustuhan ang daddy ko. Mataba siya at matanda na. Marami siyang white hair. Malaki ang tiyan niya, at kakaiba siyang kumanta kapag nagluluto." Sinadya ni Liam na inilarawan ang kanilang Italian Chef na alam niyang kabaligtaran ng kanyang daddy.

Umiling siya at nagpatuloy, "Naaawa ako sa tatay ko. Hindi niya ako kamukha."

"At paano naman ang mommy mo?" Tanong ni Scarlett na nakangisi pa rin sa kanya.

"Wala akong mommy. Hindi ko din alam kung bakit," mahinahong sagot ni Liam, pero sa huli ay nakasimangot, panandaliang nagtataka kung bakit palaging iniiwasan ng kanyang ama ang talakayan tungkol sa kanyang ina.

"Ikinalulungkot kong marinig iyon, Liam. Pero kahit papaano may daddy ka naman. May mga bata nga na wala talagang magulang." Iyon ang paraan ni Scarlett para pakalmahin ang bata pagkatapos ng halatang biglaang pagbabago ng kanyang emosyon.

"Ayos lang. Alam kong mahal ako ng daddy ko," sagot ni Liam. Isang malabong ngiti ang nabuo sa kanyang mukha nang maisip ang kanyang ama.

Ang dalawa ay gumugol ng buong sampung minuto sa pag-uusap sa likod ng counter, pero kalaunan, nakita ni Scarlett kung paano umalis sina Luca at Courtney sa kanilang mesa. Nakahinga siya nang maluwag, sinabi niya kay Liam, "Wala na sila. Kailangan nating mahanap ang daddy mo at kailangan mong humingi ng sorry sa kanya. Siguradong nag-aalala ang kawawang matanda."

"Hindi. Hindi mo makikilala ang tatay ko," giit ni Liam. "Kaya ko nang umuwi."

"Bakit?" Tanong pabalik ni Scarlet na ngayon ay lubos na nacucurious.

Babala ni Liam, "Dahil hindi mo siya magugustuhan. Nope! Mataba, maputi ang buhok ni daddy, malaki ang tiyan, remember?"

"Mahalaga ba iyon?" Tanong niya, umiling-iling sa pagsuway ng bata.

***

Makalipas ang halos dalawang oras, nakita ni Scarlett ang kanyang sarili na nakatayo sa harap ng pinto ng penthouse ng Third Diamond Hotel, nakatitig sa isang matangkad at guwapong lalaki na… nakasuot ng Pooh Bear na naka-print na sweatshirt.

"Mister Pooh?" Tanong niya medyo nagtataka habang hawak si Liam sa harap niya.

"Miss Beauty?" Ganting sabi ng lalaki.

Natigilan si Liam, pabalik-balik ang tingin kina Mister Pooh at Miss Beauty.