Chapter 78: Threat

MALALAKI ang hakbang at nagpupuyos sa galit ang damdamin ni Adeline nang lapitan si Zandra. Itinulak niya ito ng malakas at napaupo sa sahig. Dinaluhan naman ni Diana ang ina kaya nabitawan nito si Sofia.

“ANONG GINAGAWA NIYO SA MGA ANAK KO?!” Dumagundong ang malakas na sigaw ni Adeline sa buong sala.

Mabilis na nagtago sa likuran niya ang dalawang bata. Parehas umiiyak at natatakot.

Taas-baba ang dibdib ni Adeline sa galit. Agad namang tumalima ang yaya ng mga bata at agad kinuha ang mga ito upang dalhin sa silid.

Samantala bahagyang kumalma ang ekspresyon ni Zandra at sumulyap sa pinto bago bumangon at tumalim ang tingin.

“Walanghiya ang batang iyon! Tinapunan niya ng juice ang damit ko—”

“Wala akong pakialam sa damit mo! Anong karapatan mong saktan ang mga anak ko?!”

Humalakhak si Diana, “Mga anak? Si Sofia lang ang anak mo—”

<