MML 53 - Resign

Nanginginig ang mga kamay at nagmamadali na bumaba sa sasakyan.

"Ina!" tawag niya ngunit hindi ko na siya nilingon pa.

Nagmamadali ako na pumara ng masasakyan at nakahinga ng maluwag nang makasakay rin.

Ang hawak na folder ay sapilitan ko na pinagkasiya sa bag ko.

"Ate, pasok," si May nang katukin ko sila sa bahay nila.

"Tulog," puna ko nang makita si Amari na mahimbing ang tulog at nakayakap pa sa pamangkin ni May.

Kinuha ko ang cellphone ko nang mag-ring iyon. Natatakot na baka magising ang mga bata.

Napabuga na lang ako ng hangin nang makita ang pangalan ni Carl sa screen. Pinatay ko ang cellphone ko at doon na iyon inilagay sa bag.

"Miryenda ka muna, Ate."

Inabot ko na ang plato na nilagyan niya ng tinapay. "Nag-abala ka pa," sabi ko.

Tipid siya na tumawa. Nang lumubog ang araw ay umuwi na rin kami ni Amari. Natigilan ako nang makita si Carl na naririto sa living room at tumayo na