MML 57 - Second Chance

Pagdating na pagdating sa bahay ay inasikaso ko na ang mga dadalhin na gamit. Hindi ako puwede na magtagal dahil kukuhanin ko pa si Amari kay May.

Balak ko na ngayong gabi ay sa bago na kami matutulog. Napalinis ko na rin naman iyon kaya lipat na lang nang lipat. Nabilhan ko na rin ng single foam for the mean time na pagtutulugan namin ni Amari ngayon.

Nagsalubong ang mga kilay ko at halos magdikit iyon nang makita si Roy na nasa loob na ng gate at lilingon-lingon pa sa paligid.

"Anong ginagawa mo rito?!"

Isinuko niya ang mga palad niya. "Chill," aniya. "I just want to see this place. Dito lumaki ang anak ko," aniya.

"Hindi mo ba alam na p'wede kang kasuhan ng tresspassing?"

"I don't think so," aniya.

Hindi ko na alam kung saan pa siya kumukuha ng kapal ng mukha para lapitan ako.

Inagaw ko sa kaniya ang dala ko na maleta nang kuhanin niya iyon sa akin.

"Umalis ka na," nagtitimpi pa na utos ko.

"I won't," pagmamatigas niya.

Isang pang-asar na tawa at saka palakpak ang nakaagaw ng atens