MML 46 - Friends

Lumipas ang araw na iyon nang hindi ko na nakausap pa si Carl. Ramdam ko rin ang pag-iwas niya na mapag-usapan ang bagay na iyon. Madalas sa opisina ay nagkukulong lang siya sa loob at lalabas lang kung kinakailangan.

Nahihirapan din ako sa sitwasyon. Hindi ko alam kung paano kikilos.

Nagbuntonghininga na tinuloy ko na ang ginagawa ko.

Inangatan ko ng tingin ang kumatok sa pinto. Ang assistant ko.

"Pasok ka," sabi ko.

"Ma'am, si Sir Gomez po ay kasama ko," aniya at saka ko nakita si Roy sa likod niya.

Tumayo na ako at hindi na siya pinaupo pa sa harapan ko. "This way tayo," ani ko at sinamahan siya patungo sa opisina ni Carl.

"Sir, nandito na po si Mr. Gomez," pagpapaalam ko nang angatan niya kami ng tingin mula sa ginagawa.

"Come in," utos niya.

Tinanguan ko lang si Roy at umalis na rin doon upang bumalik na.