MML 44 - Professional

Wala akong ibang maramdaman kung hindi ang galit. Bakit? Bakit nakita ko na naman siya?

"Ina..." kataga na lumabas mula sa bibig niya. Sa bibig ni Roy na sana hindi na niya binanggit pa.

Kinalma ko ang sarili ko. Ayaw ko magpakita na apektado pa ako sa nangyari sa nakaraan na namin. Ayaw ko na makita niya na apektado pa rin ako nang dahil doon.

Nakalimutan ko na. Nawala na siya sa isipan ko pero bakit nagpakita pa?

Inipon ko ang sarili ko at saka tumango. Sinubukan ko na ngumiti kahit pilit pa iyon upang harapin na siya. Hindi ko rin puwede na idamay ang trabaho sa personal na problema.

"Good afternoon, Sir," bati ko sa kaniya pabalik.

"Good afternoon," aniya at umayos ng tayo. "Dito ka pala nagtatrabah—"

"Sino po ang kailangan, Sir? If you are looking for Sir Uy... wala siya rito and I also want to clarify po na hindi po kami basta-basta na