Chapter 43

SHAINA

Nagkita kaming muli ni Tita Delia sumunod na hapon sa labas ng bahay ng boyfriend ko na si Jacob. Ilang minuto lang naman kaming nag-usap doon. Wala naman sigurong fifteen minutes. Mabilis lang ang pag-uusap naming dalawa. Kinukumusta lang muli niya ako. Hindi ko naman sinabi sa kanya na may boyfriend na nga ako. Ayaw ko munang malaman niya 'yon dahil baka kung ano pa ang isipin niya o sabihin sa akin.

Mayaman si Jacob. Iyon ang totoo. Hindi naman ako pumayag na maging girlfriend niya at magkaroon kaming dalawa ng relasyon dahil sa yaman na mayroon siya. Pumayag ako na maging girlfriend niya at magkaroon kaming dalawa ng relasyon ay dahil sa mahal ko siya. Iyon ang dahilan kung bakit masaya ako ngayon na may minamahal nang higit pa sa sarili ko. Mahal namin ang isa't isa.

Wala akong habol sa yaman niya. Hindi naman 'yon ang basehan ko sa isang tao para mahalin ko at pumayag akong makipagrelasyon, eh. Ang tanging basihan ko lang naman ay nararamdaman ko na tinitibok ng puso ko.