Chapter 27

Abala si Blaine sa kaniyang ginagawa, napaangat ang ulo niya nang bumukas ang pinto ng kaniyang opisina, nakita niya na pumasok sa loob ang kaniyang assistant na si Maureen, may bitbit itong mga papeles lumakad ito papalapit sa kaniya at ipinatong ang dala sa ibabaw ng kaniyang lamesa.

"Sir, it's already 5 o'clock, hindi pa po ba kayo uuwi?" tanong nito.

Umiling siya. "I will stay for another hour, may trabaho pa akong kailangang tapusin," tugon niya.

"Ganun po ba? May ipag-uutos pa po ba kayo, Sir, kung wala na po, pwede na po ba akong umuwi? May importanteng lakad po kasi akong pupuntahan ngayon."

"Wala na, sige pwede ka nang umuwi."

"Thank you po, Sir. Sige po mauuna na ako," paalam nito.

Tumalikod na si Maureen at inumpisahan nang lumakad, natigilan ito ng marating ang pinto at akmang pipihitin ang doorknob.

"Maureen!" tawag ni Blaine, agad naman itong napalingon.

"Sir!" anito.

"Kamusta na nga pala ang iniutos ko sa'yo? Nagpunta ka ba sa ospital kahapon? Tinanggap ba niya ang pin