Chapter 53

Allianna’s POV

“Ikaw na, Allianna.” Bigla akong kinabahan dahil sa sinabi ni Yvon. Kakadating niya lang sa table namin at kitang-kita sa mga mata niya na nag-enjoy siya sa pagsakay sa jetski.

Ok lang naman siguro kahit hindi marunong magpatakbo at magdrive noh? Hindi ako marunong magpaandar ng jetski. Paano kung malaglag ako sa gitna ng dagat? Paano kung sa ilalim ng dagat, ay may pating? Pero wala naman akong nakikitang nalalagalag sa jetski.

“Huwag ka mag-alala, hindi naman nakakatakot dahil may kasama ka. Tuturuan ka nila kung paano paandarin ang jetski. Kaya pumunta ka na ron dahil naghihintay ang magtuturo at sasama sa’yo.” Tumingin ako sa isang lalaki na nakatingin sa akin. Nakalife vest ito at hawak-hawak niya ang jetski. Siguro siya ang magtuturo sa akin.

Huminga ako ng malalim at agad na tumayo. Kaya ko ito. May magtuturo naman sa akin. Kaya wala akong dapat ikabahala. Mabilis naman akong matuto. Kaya imposibleng mahulog ako sa dagat. Hindi pa naman ako marunong lumangoy, per