Chapter 52

“Katulad ng sabi ko sa’yo kanina. Hanggang tingin lang sila dahil hindi naman nila ako mahahawakan. Hindi sila makakalapit sa akin. Kaya hindi ako magbabago ng suot dahil nasuot ko na ito.”

“Kahit kailan talaga napakakulit mo.” Naunang naglakad si Daylon kaya sumunod ako sa kaniya. Hindi ko maintindihan ang sinasabi at kinikilos niya ngayon. Wala naman akong ginagawang masama, pero kung makareact siya parang meron. Saka ‘yung pananalita niya sa akin parang galit na galit.

Nang makalabas kami, ay meroong humarang na lalaki sa akin.

“Miss, hindi ko kasi alam kung nasaan ang banyo. Pwede mo bang sabihin sa akin kung saan? Baka kasi maligaw ako rito, hindi ko pa naman alam ang pabalik sa cottage namin.” Nginitian ko siya at tinuro ang daan papunta sa banyo.

“Salamat, buti na lang sa’yo ako nagtanong.”

“Wala pong problema, kakaalis ko lang din kasi roon.”

“Gano’n ba? Sige punta na ako, kanina pa kasi ako naiihi, salamat ulit.” Aalis na sana ang lalaki nang biglang dumating si Daylon na wal