Chapter 59

“Wow!” Nagulat si Allianna dahil sa sigaw ni Hezekiah nang matamaan niya lahat ng ten-pin. “Pangalawang try mo pa lang natamaan mo na agad. Masyado ka naman atang magaling, Allian.”

Napangiti si Allianna at pinanood si Hezekiah na makalapit sa kaniya.

“Ang dami mo nang utang sa akin.” Kumunot ang noo ni Hezekiah.

“Anong utang? Wala akong inuutang na pera sa’yo. Masyado akong mayaman para umutang ng pera.” Napatawa si Allianna at sinuntok sa balikat si Hezekiah.

“Baka nakakalimutan mo na hindi mo pa sinasabi sa akin ang tungkol sa inyo ni -.” Hindi natuloy ni Allianna ang kaniyang sasabihin dahil biglang hinawakan ni Hezekiah ang bibig ni Allianna, sabay hinawakan ang pulso ng babae at hinila ito palayo sa mga kaibigan nila.

“Huwag kang maingay. Hindi alam ng kapatid ko na may namamagitan sa amin ni Hillaree,” bulong ni Hezekiah.

“Bakit hindi mo na lang kasi sabihin?”

“Bakit ko sasabihin? Baliw ka ba? Kapag sinabi ko ‘yun sa brother ko baka maging magkaaway kami.”

“Wala naman atang gus