Chapter 62

Kinabukasan, ay agad na tinawagan ni Allianna ang magulang ni Daylon, para siya ay makauwi na. Ipinaliwanag niya sa kaniyang mga kaibigan kung bakit kailangan niya nang makauwi para hindi ito magtaka o magtampo sa kaniya. Ang sinabi niya, ay kailangan niya nang umuwi dahil may emergency sa bahay nila.

Gusto niya man magstay ng isang araw sa resort, ay hindi na pwede dahil ayaw ni Allianna makaharap si Grace. Hindi pa siya handa, para makita ang taong pumatay sa kaniyang magulang. At alam ni Allianna na kapag nagkita silang dalawa, ay baka magkagulo sa resort nang dahil sa kaniya.

“Nandito na naman siya,” walang ganang sabi ni Demitri nang makapasok sina Allianna at Daylon sa loob ng bahay. “Maingay na naman ang bahay,” dagdag pa nito. Kaya kinurot ni Mialyn ang tenga ni Demitri.

“Aray,” daing ni Demitri. Kaya tinanggal na ni Mialyn ang kamay sa tenga ni Demitri.

“Kakadating lang namin tapos ‘yan ang sasabihin mo? Kung wala kang magandang sasabihin, pumunta ka na lang sa kwarto niyo,”