Kabanata 42.2

Napaupo na lang si Kaylee at yakap-yakap niya ang mga tuhod niya habang humihikbi. Para bang pinupunit ang puso niya sa sobrang sakit, sa bawat tibok nito ay napakasakit dahil sa ilang taon na silang kasal ni Zion ngayon lang siya sinigawan nito.

Inis na ginulo ni Zion ang buhok niya saka niya binalikan si Kaylee. Hinawakan niya ito sa kamay at hinila na hanggang sa makarating sila sa kotse. Tahimik lang naman si Kaylee na umiiyak.

Samantala naman mag-isang nakaupo ni Scarlett sa isang bench na malayo sa mga katrabaho niya. Nilalanghap ang masarap at sariwang hangin. Maaga siyang umalis ng condo kanina at iniwan si Zion na tulog pa pero nandito naman ito ngayon at sumunod pa ang asawa niya.

Kung meron mang namagitan sa kanilang dalawa ipinagpapasalamat niyang nawalan siya ng ala-ala dahil kung mahal man nila ang isa’t isa baka hindi kayang pakawalan ni Scarlett si Zion lalo na ngayon na palagi niyang kasama ang asawa niya.

Napakunot ng noo si Scarlett, napapaisip siya kung paano nila