Kabanata 45.2

Kinuha niya na ang mga pinamili niya kanina at sumakay na sa van niyang naghihintay sa labas ng building. Nang makarating siya sa dressing room niya ay inasikaso siya kaagad ng mga make-up artist niya.

“Ilang oras ka bang natulog para malate ng isang oras sa pag-aayos sayo? Alam mo namang matagal ang pag-aayos!” panenermon na naman sa kaniya ni Richelle na para bang stress na stress na.

“Gaano ba kahalaga yang party na yan para hindi pwedeng malate? Pwede naman nilang simulan ang party ng wala ako. Hindi ako VIP para maging maaga sa venue okay?”

“Dumating ang chairman, si chairman Grayson na ama ni Sir Zion at ayaw na ayaw niya ng late.” Napataas naman ang isang kilay ni Scarlett.

‘Ang ama ni Zion?’ tanong niya sa sarili niya. Naalala niya naman ang pinag-usapan nila nitong mga nakaraang araw.

“Hindi naman pala ako kailangan sa party na yan kaya bakit pa ako pupunta?” aniya dahil pinuntahan siya ni Mr. Grayson para makiusap na layuan ang anak niya kaya kung hindi man siya umattend nga