Kabanata 41.2

Bakit ba hindi yun maalis sa isip niya? Gusto niyang malaman kung ano ba talaga ang relasyon niya kay Zion at bakit ganito ang nararamdaman niya? Para bang nakikilala ng puso niya si Zion pero hindi ito maalala ng isip niya.

Pabagsak na naupo si Scarlett sa kama niya. Binitawan lang din niya ang bag niya sa sahig saka siya nahiga at tinitigan ang kisame. Hinawakan niya ang bandang puso niya dahil kanina pa yun nagwawala.

‘Asawa niya si Kaylee at kung totoo ngang may relasyon kaming dalawa paano ko nagawang saktan ang kapwa ko babae? Paano kung ano yung nasa posisyon niya?’ usal niya sa isipan niya.

Muli na naman siyang nagpakawala ng malalim na buntong hininga. Bigla siyang naguluhan, isang beses lang siyang hinalikan ni Zion pero apektado na ang buong katawan niya lalong lalo na ang puso niya.

Isang buwan na simula noong nangyari ang aksidente pero hanggang ngayon wala pa ring maalala si Scarlett.

Pagsapit ng dilim ay nagtimpla na lang ng gatas si Scarlett para dalawin siya kaagad ng