Chapter 4

Justine:

"Sir, wag na ako ang magserve sa mga Sancgez na yun, alam niyo namang allergic ako sa mga yun!" tanggi ko sa manager namin. Ang alam ko, mas malala pa kay Drake ang mga pinsan nito. *Nakakainis ang Drake na tun, rapos kasama pa ang mga pinsan niya na katulad niyang baliw!"

"Sssh!! ano ka ba, ang bunganga mo!" saway sa akin ni sir, "sige, kakausapin ko na lang si Drake mamaya, sasabihin ko na busy ka."

"Salamat sir!" nakahinga ako ng maluwag. "Baka mawalan pang ako ng trabaho ka0ag ako ang nagsilbi sa mga yun."

"Bakit ka ba kasi nagagalit kay Drake, eh ang bait nun?" taning ni sir sakin. Gusto ko sanang sabihin na bakla siyang kinikilig, kaso baka magalit pa sakin.

"Basta, ayoko lang!" tanggi ko. Naiinis ako sa Drake na iyon!

At ito na nga, halos isang oras din ang lumipas, bigla akong tinawag ni sir Gab.

"Ikaw daw ang magsiserve sa kanila," sabi niya sa akin.

"Sir? akala ko ba hindi na ako? bakit ako?" nagtataka kong tanong. Masama ang tingin na ibinato ko sa lalaking mayabang na ito.

"Gusto ko, bakit?" sagot niya sa akin. Nakangisi pa talaga si tanga, na akala mo ay nakakaloko talaga.

"Pwede bang iba na lang?" inis kong sagot sa kanya, "may ginagawa pa ako!"

"Ikaw na.." bulong ni sir sa akin, "baka umalis dito yan, balita ko, malaking magtip yang magpipinsang yan," tinapunan pa niya ng tingin ang kumag na si Drake, "kaya pumayag ka na.. hindi ko ipapa centralize ang tip na galing sa kanila, di ba, bayaran ng bahay niyo ngayon?"

Oo nga pala. Nakalimutan ko na magbabayad ako ng bahay. Baka mapalayas na naman kami. Napabuntong hininga na lang ako sa sinabi ni sir sa akin.

"Sige sir, ako na lang," tugon ko sa kanya.

"Good!" tinuktok pa ni Drake ang lamesa namin, "so? hihintayin na lang kita doon?"

"Bakit? tutulungan mo ba akong magbuhat ng mga dadalahin ko, ha?" tanong ko sa kanya ,saka ko siya pinameywangan.

"At bakit ko gagawin yun?" tanong niya sa akin.

"Yun naman pala, eh di maghintay ka na dun!" bulyaw ko, "bawal dito ang unauthorized personel, ang lakas ng loob mong pilumunta dito."

"Justine!" saway ni sir Gab sa akin, "anong kalokohan yang ginagawa mo? sorry sir, hintay na lang kayo sa table niyo, pupunta na lang siya doon." nakangiting sabi ni sir Gab kay Drake.

"Pakibilisan lang ha, kasi ,nagmamadali na kasi ang mga pinsan ko, thank you Gab," kinindatan pa niya ang manager kong bading, na pati itlog ay kinikilig! saka niya ako tiningnan, "wag kang masyadong suplada, Justine, pumapatol ako sa babae."

"Aba't--" hindi ko na siya naabutan na mabato ng basahan, hinawakan agad ni Trina ang aking kamay.

"Friend, baka mapa trouble pa tayo, hinay hinay ka muna. Alam mo naman ang magpipinsang yan, baka pag initan pa ang bar na to, mawalan pa tayo ng trabaho," wika niya sa akin.

Dahan dahan kong ibinaba ang aking kamay, saka kinalma ang aking sarili, "salamat, Trina, naiinis kasi ako sa lalaking yan, napakayabang!"

"Hayaan mo na lang, mahirap ng makipag away ngayon. Tandaan mo na lang, magagamit  mo ang tip nila, pambayad sa bahay. May thesis ka pa, hindi ba? kaya kainin mo na lang ang pride at galit mo," paalala niya sa akin.

"Friend, lunok na lunok na nga. Akala nga nung iba dito, pa walk ako eh." tugon ko sa aking kaibigan.

"Paano, kapag nasa labas ka na kasi, mukha kang bold star," naiiling nitong sabi sa akin, "itago mo kasi yang dibdib mo."

"Hindi ko naman kasalanan, na noong nagsabog ng suso, nagsahod ako ng planggana, ikaw naman, lata na nga lang, nakalimutan mo pang ilabas." biro ko sa kanya.

"Lagi na lang sakin bumabalik ang mga ibinabato ko sayo, sana, nanahimik na lang ako," inirapan niya ako.

"Hoy, Justine? ano na, at para kang kambing diyan? puntahan mo na ang kostomer mo, at baka layasan nila tayo." sita sa akin ni Gab, "wag ka ng magpatumpik tumpik pa, bom karakaraka!"

"Oo na, vice ganda!" sabay naming sabi ni Trina. 

Mabait si Gab, pero madaling masilaw sa pera, at ito na nga, naibenta na naman ako sa takot na mag alisan ang mga Sanchez na mayayabang!

Dala ang isang case na beer, pinuntahan ko ang table ng mga taong iyon. Masyado silang pansinin, dahil akala mo naman ay mga artista ng hollywood. Napalunok ako ng matanaw sila.

"Ano ba naman ang mga ito, mukhang hindi uso sa mga ito ang pagngiti, ipinaglihi ba sila sa sama ng loob?" kwento ko sa aking sarili. "Diyos ko, yun ba si Marcus? nakakatakot namang-- ay! parang mas nakakatakot si Dixon. Bakit laging nakakunot ang kanyang noo? Malamang, yun si Luis, at iyon naman si Cris."

"Hoy!" may tumulak sa akin na hindi ko agad napansin.

"Ay palakang dagat! ano ka ba sir!" medyo siniko ko pa si sir Gab. Nakakagulat naman kasi ito.

"Oh my God! para akong nanonood ng Hercules!" kinikilig niyang wika.

"Hercules? ano yun?" hindi ko matandaan kung saan ko narinig iyong pangalang yun.

"God yun, boba!" sagot niya sa akin.

"Aba malay ko.. hindi naman kami magkakilala ni Hercules," sabi ko sa kanya.

"Dalahin mo na nga yan dun, at naiinip na sila!" utos niya sa akin, "at ako na, ang magdadala nitong pulutan."

"Sir, bakit hindi na lang ikaw ang magdala nitong case? itry mo rin maging gentleman kahit minsan?" sarkastiko kong sabi sa kanya, "baka naman nakakahiya sa akin, dahil ako ang babae?"

"Baka magkamuscle ako no!" sagot niya sa akin, "saka mas mukha ka namang lalaki sakin, kung di lang malaki ang dibdib mo, mas maganda ako sayo."

"Sir, itry mo rin maging humble no? libre lang, gawin mo na, dali!"

"Tse! tigilan mo ko ng pag ganyan ganyan mo Justine ha, at andiyan ang crush ko, hmp! bilisan mo na!"

Aba, at nauna pa siyang maglakad palapit sa mga Sanchez!