Chapter 56

"MASYADONG delikado ang pinaplano mo, mahal na Reyna. Hayaan mong samahan kita," nag-aalalang sabi ni Mang Sebastian kay Calista na naghahanda na ngayon sa pagbabalik niya sa facility para itakas sina Marcus at Mang Dante.

Inayos ni Calista ang kulay itim niyang kasuotan, ang damit na sinusuot lamang nila kapag nakikipaglaban sa kanilang mga kalaban. Ipinusod niya rin ang kaniyang mahabang buhok, saka tinakpan ng itim din na tela ang kaniyang buong mukha at tanging ang mga mata niya lamang ang kita.

"Mas kailangan ka rito ng mga katribo natin, Mang Sebastian. Kahit ano'ng mangyari, tuloy ang gagawin nating pagtakas mamayang hatinggabi," sabi ni Calista matapos isukbit sa kaniyang likuran ang kaniyang espada. "Kung hindi po kami makabalik sa takdang oras, mauna na po kayong umalis. Susunod na lang kami."

"Subalit kamahalan_."

"Mang Sebastian, we're running out of time. Please... Ito na lang po ang naiisip kong paraan para pareho kong maprotektahan ang tribo natin at sina Marcus. You ha