Kabanata 13

Umuwi kami ni Nylen kinaumagahan. Iniwan ko si Mommy kahit ayaw ko sanang gawin. Naisip kong tama si Nylen. I should always keep my sane. Ngayon ko dapat gamitin ang utak ko. Ngayon ko dapat mas lalong patatagin ang sarili. Marahil tama siya nang sabihin niyang pagsubok lang ito sa akin.

Hindi na ako natulog pagdating sa bahay. Mabilis akong naligo at nagbihis ng maayos. Maong na kupas at T-shirt na puti na pinatungan ko ng maong ring jacket. Hinayaan kong nakalugay ang alon-alon kong buhok at isunuot ang aking sneakers.

Desidido ako sa pupuntahan. Hindi ko man sigurado na tutulungan ako nito pero kailangan kong sumugal. Kinuha ko ang papel  na nasa ibabaw ng mesa na ibinigay sa akin ng pulis na kinausap ko kagabi para hingan ng tulong.

Akala ko wala na itong pakialam ngunit nagulat na lamang ako nang iabot nito ang isang maliit na papel sa akin. Nakasulat doon ang pangalan ng isang kilalang attorney. Mas lalo akong n