CHAPTER 98

Tumayo si Andy. Naiinis siya sa sarili dahil habang nasa conference siya kanina ay si Catherine ang naiisip niya. Kahapon ngang napadaan siya sa department store ay puros mga pambatang kagamitan ang naiisip niyang bilhin.

Two weeks na siya dito sa Amerika at wala siyang ginawa kundi ang magtrabaho. Ni hindi nga niya naisipang mag-good time man lamang. Maski siya ay naninibago sa kanyang sarili ngayon. Sobrang inspired siya lalo pa at naiisip niyang magkakanak na siya.

Gusto niyang maging responsible parent.

At ipinapangako niyang bubusugin niya ng pagmamahal ang magiging anak nila ni Catherine.

Ngayon pa lang ay di na siya makapaghintay na umuwi. Kung dati ay mas gusto niya ang buhay sa Amerika, ngayon ay parang hinihila na ang mga paa niyang makabalik ng Pilipinas.

Kung hindi nga lamang kinakailangan niyang asikasuhin ang itinatag nilang business sa partner niyang Amerikano ay hindi siya magpupunta dito sa Amerika.