Chapter 68: Seeing Her in Pain

Third-Person's Point of View

Araw ng Sabado. Maaga pa lamang ay binubulabog na ni Eugene ang anak na nangpapahinga. Akala mo'y bumalik sila sa panahon kung kailan nag-aaral pa ito at gigisingin upang maghanda na sa pagpasok sa eskwela.

Mag-aala sais pa lamang iyon ngunit ayaw tigilan ni Eugene si Felicity hanggang hindi siya pagbuksan.

"Ang aga pa, mother," pagrereklamo ng matchmaker at naiirita dahil nasa kalagitnaan siya nang masarap na tulog nang bulabugin siya ng ina.

"Oo nga, umaga na kaya maligo ka na at inihahanda ko na ang mga dadalhin mo para sa kaniya," anang ginang at dinedma lang ang pagrereklamo ng anak.

Bigla siyang tinalikuran nito matapos sabihin iyon. Naiwan namang nakasimangot ang matchmaker habang nakatingin sa ina niyang paalis.

"Nakakainis naman, e! Ang aga-aga pa!" Pagmamaktol niya at isinarang muli ang pinto at mabilis na nag-dive padapa sa kama.

Sinubukan niya ulit matulog, ngunit nang paidlip na, may kumatok na naman sa pinto. Wala na siyang nagawa kundi bu