Chapter 44: Blackmailed

Third-person's Point of View

"Ang damot," naiinis na bulong ni Elyana bago talikuran si Florentin.

Nagtatampo at animo'y isang batang kay haba ng nguso dahil hindi pinagbigyan sa kaniyang nais ni Florentin. Magkakaroon na sana siya ng portable coffee machine kung siya ang unang nakakita pero kamalasan lang at hindi.

Habang palayo, kinumbinsi na lamang niya ang sarili na baka mayroon sa ibang mall at doon na lang siya bibili ng kaniya. Isa pa ay hindi naman iyon ang kaniyang pakay kaya sila nagpunta sa mall nang araw na 'yon.

Masama man ang loob sa binata, ayaw naman niyang magalit sa kaibigan lalo na't lagi itong nand'yan kapag kaniyang kailangan. Gaya din ni Felicity, pero kung si Felicity ang kasama niya nang araw na 'yon at unang nakakita ng portable espresso machine, tiyak na hindi makikipag-agawan sa kaniya ay magpaparaya.

Bigla na tuloy na-miss ang bakla. Nag-iisip na siya ng magandang iregalo sa dalawa. Di bale na kung mahal, ang mahalaga sa kaniya ay sa ganoong paraan ay