Chapter 25: On and Off, Elyana?

Elyana’s Point of View

"Ayoko nga kasi, wala ako sa mood today sa ibang araw na lang. Paulit-ulit ka naman, Felicity!” Hindi ko na napigilan na bulyawan ang bisita kong pasaway dahil ayaw niya akong tantanan at paulit-ulit akong pinipilit na sumama sa kanila, e ayaw ko nga.

Pumasok ako sa kwarto ko at iniwang bukas ang pinto, nahiga sa kama at tumagilid kung saan hindi ko nakikita ang sinumang papasok sa pintuan.

Gusto ko na lang humiga talaga ngayon. Nakapag-agahan na ako, niyaya ko siyang sabayan ako pero kumain na raw siya sa kanila. Egg sandwich lang naman ‘yon pero nagamot na ang gutom ko kaya lang—sumasakit na ang puson ko dahil sa unang araw ng period ko ngayon. Ganito talaga ako lagi sa first day, sinasabayan pa ng dysmenorrhea ito pero hindi naman tumatagal nang buong araw.

Kapag ganito na may nararamdaman ako, ayaw na ayaw kong ginugulo ako, alam na alam ni Fi—bakit ba bigla na pasok na naman 'yon sa usapan? Hindi na siya kasali rito, pero—totoo nga, alam na alam niya kung