CHAPTER 4

Galit na galit na sumugod si Rhodly sa mall kung saan nagtatrabaho si Angge at dahil walang nakakakilala sa kanya, malaya siyang nakapasok na para bang isang ordinaryong mamimili lamang.

Hinanap niya ang store na pinagtatrabahuan ng dalaga at nang makita na niya ito ay agad niya itong nilapitan habang pasimleng nakasunod naman sa kanya ang kanyang mga bodyguards na pinipilit din ng mga ito na hindi mahahalata.

Pagdating ni Rhodly sa bungad ng pintuan ng store na 'yon ay may nakita siyang babaeng nakatalikod at nakasuot ito ng uniporme ng mga saleslady na nandu'n.

Balingkinitan ang katawan at may kahabaan ang tuwid nitong buhok.

"Miss?" tawag niya rito at agad naman itong napalingon sa kanya pero nang magtama ang kanilang mga mata, hindi aakalain ni Rhodly na mapapatulala siya sa taglay nitong kagandahan lalo na nang ngumiti ito nang makita siya.

Natigilan siya at biglang nagkagulo ang pagpintig ng kanyang puso. Dinig na dinig niya ang pagtambol ng kanyang dibdib. Kahit na hindi man ito gaano kaputi, makinis naman ang balat nito.

May katangusan ang maliit nitong ilong na bagay na bagay ang pagkakatirik nito sa gitna ng mukha nito. Napaawang ang kanyang mga labi nang dumako ang kanyang mga mata sa bibig nito. Ang mga labi nitong may kanipisan pero mukhang malambot at masarap halikan. Mapang-akit lalo na kapag titigan!

"Yes? May kailangan ka ba?" Nagising ang diwa ni Rhodly nang marinig niya ang boses ng babae.

"Ah, ano? K-kilala mo ba si----"Angge!" Napatingin ang binata sa isang babae na agad na lumapit sa kanila.

"Oh, bakit?" tanong ng babaeng kausap niya.

Dahil sa ginawang pagsagot nito ay saka lang niya napagtanto na ang babaeng nakausap niya ay siya rin palang babaeng gusto niyang makausap para sumbatan.

May kung anong kiliti siyang nadarama nang malaman niya na iisang babae pala ang nagpapagulo sa tibok ng puso niya ngayon at ang babaeng nagpakalat ng balitang nobya raw niya.

"Sandali lang huh, may gagawin lang ako," pagpapaalam ni Angge sa binata at tulala pa ring napatango si Rhodly sa dalaga.

Makalipas ang ilanh sandali ay bumalik na rin si Angge.

"Anong kailangan mo?" tanong ng dalaga kay Rhodly na nanatili pa ring nakatulala sa kagandahan ng dalaga.

"Ano... ahh, ano kasi..." Hindi alam ni Rhodly kung ano ang dapat niyang sasabihin. Ang galit na kanyang nararamdaman kanina ay bigla na lamang natunaw nang makita niya ang dalaga lalo na nang ngumiti ito sa kanya.

"Ah! Alam ko na."

Napakunot ang noo ni Rhodly sa sinabi ni Angge.

"Gusto mong mag-apply ng trabaho, tama?"

"Huh?" tulalang tanong ng binata. Talagang gulat na gulat pa rin siya sa mga nangyayari.

"Tingnan mo..." sabi ni Angge saka siya lumakad palabas ng store at sumunod naman sa kanya ang binata saka ipinakita niya ang nakapaskil sa labas ng store nila na WANTED SALESMAN.

"...hindi ba, ito 'yong pinunta mo dito?" tanong uli ng dalaga.

Lalo tuloy nagulo ang utak ng binata pero nang muli niyang nakita ang ngiti ng dalaga ay iisang pasya lamang ang pumasok sa utak niya.

"O-oo! Mag-a-apply sana ako," bulalas niya pagkaraan.

"Halika, dadalhin kita sa manager namin," aya sa kanya ng dalaga at biglang kumabog uli ang dibdib ni Rhodly nang sobrang lakas nang biglang hinawakan ni Angge ang kanyang kamay saka siya nito bahagyang hinila papunta sa office ng manager nito.

Naalarma naman ang kanyang mga security guards pero bago pa man nakagawa ng actions ang mga ito, pasimple niyang sinenyasan ang mga ito na kalma lang, walang mangyayari sa kanyang masama kaya napahinto ang mga ito at pasimple siyang sinusulyapan mula sa labas ng store.

Pagkapasok nila sa loob ng office ng manager nina Angge ay napatingin sa kanya ang isang babae na nasa mid 40's na pero bata pa kung titingnan dahil alagang-alaga ang katawan nito.

Napatingin si Rhodly sa kanyang kamay na binitiwan ni Angge saka nito binalingan ang manager.

"Madam, mag-a-apply po siya," sabi ni Angge sa manager.

Napatingin naman sa kanya ang manager at sinusuri siya nito nang maayos.

Napaisip ang manager kung talaga bang nangangailangan ito ng trabaho o hindi dahil sa beauty nitong taglay. Pangmayaman at hindi pang-salesman lang!

"Sigurado ka bang mag-a-apply ka ng trabaho rito?" may himig ng pagdududa ang boses ng manager.

Hindi kaagad nakasagot si Rhodly kaya napatingin sa kanya ang dalaga at napatingin din siya rito.

"O-opo! M-mag-a-apply po talaga ako ng trabaho rito," sabi niya habang nakatingin siya sa mga mata ng dalaga at ang puso niya ay walang tigil sa kakatambol ng malakas.

"Mag-a-apply po talaga ako," baling niya sa manager.

"Okay, where's your documents?"

Napaawang ang mga labi ni Rhodly dahil wala naman siyang ideya kung anong hinihingi nito mula sa kanya.

"D-documents po?"

"Documents mo like resume, biodata," saad naman ni Angge.

Sa sinabi ni Angge saka lang niya naisip na marami pa pala siyang dapat kakailanganin. Alam niya 'yon dahil isa siyang CEO.

"W-wala po akong d-dala kahit isa," nakayuko niyang sabi.

Lalong nagduda ang manager habang si Angge naman ay nakakunot ang noong napatingin sa kanya.

"If that's the case, sorry I can't hire you," diretsang saad ng manager.

"Po?" gulat niyang tanong.

"Manager, hindi niyo na po ba siya bibigyan ng chance?" singit ni Angge.

Napaisip ang manager saka niya muling pinagmasdan ng maigi ang binata. Talagang hindi niya nakikita sa katauhan nito ang isang pagiging salesman.

"What is your name by the way?" tanong nito kay Rhodly.

"M-my name?" tanong niya at talagang halat sa kanya na kinakabahan  siya. Hindi niya napaghandaan ang ganitong tanong dahil hindi naman talaga ganito ang kanyang pinunta.

"Yes, your name."

Napakamot sa ulo si Rhodly na para bang hindi alam kung ano ang sasabihin.

"Don't tell me, nakalimutan mo rin ang pangalan mo," parang naiinis na saad ng manager.

Napatingin ang dalaga kay Rhodly na naguguluhan pa rin.

"Ahmmm, I'm..." Napatingin siya kay Angge at nakikita niya sa mga mata ng dalaga na gustong-gusto rin nitong malaman kung ano ang pangalan niya.

Hindi niya alam kung sasabihin ba niya ang totoo niyang pangalan o magsisinungaling sa mga ito.

Kung sasabihin man niyang siya si Rhodly James Smith, maaaring pagtatawanan siya ng mga ito o hindi kaya, malalaman na nh buong mundo ang totoong siya.

"I'm RJ," sabi niya pagkaraan. Buo na ang kanyang desisyon, itatago niya ang kanyang tunay na pagkatao sa mga ito. Gusto pa rin niyang walang makakaalam kung sino ba talaga si Rhodly.

"RJ? What?" muling tanong ng manager.

"RJ..." Muli siyang napatingin sa dalaga at nakita niya ang pagngiti nito sa kanya na siyang lalong nagpakaba sa kanyang puso.

"RJ Paligsahan po," sabi niya habang nasa dalaga ang kanyang mga mata at nakita niyang lalo itong napangiti nang marinig nito ang apilyedong sinabi niya.

"Paligsahan," ulit pa ng manager.

"You can come back tomorrow if you really want to work here and don't forget to bring all the documents that I needed. Understood?"

"O-opo!" maagap niyang sagot.

"Balik ka bukas," sabi ni Angge nang ihatid na siya nito sa labas ng store nito.

"Ah, siyanga pala. A-anong pangalan mo?" nahihiya pang tanong niya rito.

"Angelica Ramirez. Angge for short," nakangiti nitong sabi at hindi na rin niya napigilan ang sariling mapangiti.

Parang walang lakas na napasandal si Rhodly sa sandalan ng kanyang sasakyan sa loob nang makapasok na siya.

Hanggang sa mga oras na 'yon, hindi pa rin siya makapaniwala sa mga naganap.

"Sir, ano po'ng nangyari?" tanong ni Ronald sa kanya.

"Drive me home. I just want to take a rest," wala sa sariling saad niya at agad namang tumalima ang kanyang driver.

Agad namang sumunod sa kanila ang kanyang mga bodyguards.

Pagkarating niya sa condo ay hindi na niya hinintay pa si Ronald para pagbukasan siya ng pinto. Siya na ang kusang bumukas nu'n saka niya binalingan ang kanyang driver.

"Tell my secretary to cancell all of my appointments for this day," bilin niya kay Ronald at walang lingon-likod na iniwan na niya ito saka dumeritso na siya sa kanyang condo unit.

Padapang ibinagsak niya ang kanyang katawan sa malambot na kama.

"Ahhhhhhh," sabi niya habang pinaghahampas niya ng kanyang kamao ang kama.

"What kind of stupidity you've done, Rhodly?" naiinis na tanong niya sa kanyang sarili saka niya kumikisay-kisay habang nakadapa at nakabaon ang mukha sa unan na para bang batang kinunan ng candy pero napatigil siya sa kanyang ginawa nang maaalala niya ang matamis na ngiti ni Angge.

Tumihaya siya mula sa kanyang pagkakadapa saka siya napatingin sa kisame pero hindi ang kisame ang nakikita niya kundi ang mukha ni Angge na nakangiti.

Mukha rin siyang tangang nakangiti habang titig na titig siya sa kisame.

Ito 'yong unang beses na nakaramdamam siya ng ganitong damdamin.

Unang beses niyang nakita si Daphne, never pumitik nang ganito ang kanyang dibdib para sa kanyang fiancee kaya masasabi talaga niyang pag-ibig na nga ang kanyang nararamdaman para kay Angge at hindi kung anu-ano lang.

"You can come back tomorrow if you really want to work here and don't forget to bring all the documents that I needed. Understood?"

Biglang nawala ang matamis na ngiti sa mga labi ni Rhodly nang maaalala niya ang huling bilin sa kanya ng manager na pinagtatrabahuan ni Angge.

"What should I do?" naguguluhan niyang tanong sa sarili saka siya muling napadapa at isinubsob ang mukha sa unan.

"You want me to make a documents for you using RJ Paligsahan's name?" kunot-noong tanong ni Gilbert, one of his trusted friends.

"Yeah," maikli niyang sagot habang nakasalampak siya sa sofa nito.

Dahil magulo na talaga ang kanyang isipan, naisipan niyang lumapit sa kanyang kaibigan para makahingi ng tulong.

"But why? For what?" nagtataka nitong tanong.

"For my woman," nakangiti niyang sabi na siyang lalong ikinataka ni Gilbert.