"You're pregnant…"
Gulat na napatingin si Graciella Santiago sa maliit na larawan na nasa monitor. Tama ba ang narinig niya? Buntis siya?
Kalmado lang na nakatingin ang doktor sa kanya. Marami na siyang nakitang babae na kagaya ni Graciella ang reaksyon sa tuwing sinasabi niyang positibo ang resulta.
"Is this your first pregnancy? Kung hindi ay kailan ang huli?" Tanong ng doktor.
Hindi agad nakasagot si Graciella, masyado siyang nagulat sa nalaman niya at hindi niya alam kung ano ang sasabihin niya.
"Abortion can lead to a lifelong infertility Miss Santiago," biglang sabi ng doktor nang hindi siya magsalita.
Namilog ang kanyang mata sa narinig. "Wala po akong balak magpa-abort Doc!"
Agad na umamo ang mukha ng doktor sa sinabi niya. "You're three and a half weeks pregnant. Your baby is in good position pero kailangan mo parin ng regular check-up para mamonitor natin ang kalagayan niya at masigurado ang kalusugan niya."
Halos wala sa sarili si Graciella nang lumabas siya ng ospital. Hindi niya aakalain na mabubuntis siya nang dahil lang sa isang gabing pagkakamali. Pero dahil nabuo na ang bata, paninindigan niya iyon. Ang problema nalang niya ay kung paano niya sasabihin sa kanyang ina at kapatid ang kalagayan niya.
Sumakay siya sa kanyang electric scooter at hindi na pinansin pa ang medyo maalinsangan na panahon. Bumili muna siya ng prutas bago siya tuluyang umuwi sa bahay nila subalit nasa labas palang siya ng pinto ay dinig na dinig na niya ang boses ng kanyang Mama Thelma.
"Mabuti naman at nadalaw mo ako anak. Hindi katulad ng kapatid mong si Graciella na kung anu-anong kalokohan nalang siguro ang ginawa sa labas."
"Ma, matino naman si Graciella. Katunayan abala nga siya lagi sa trabaho niya," pagtatanggol ng kanyang Kuya Garett sa kanya.
Sarkastiko namang natawa ang kanyang ina. "Hah! Ang sabihin mo, napakawalang utang na loob ng batang yan. Biro mo yun, fifteen thousand lang ang binibigay niya sakin gayong malaki naman ang sahod niya. Sigurado akong marami ng naipon ang babaeng yan. Ang mabuti pa, magpatulong ka sa kanya na makabili ng kotse para naman may magamit ka dahil kapag nag-asawa na siya, yung asawa na niya ang makikinabang sa pera niya at hindi na tayo!"
Hindi niya maiwasang madismaya sa narinig niya mula sa kanyang ina.
"Oo nga pala, yung kakilala ko, naghahanap ng babaeng mapapangasawa ang tiyuhin niya. Balita ko handang magbayad ang lalaki ng malaking pera dahil matanda na at nangangailangan ng makakasama sa buhay. Dapat ipakasal natin si Graciella sa lalaking yun para kapag binayaran tayo, makakabili ka na ng mas malaking bahay Garett," dagdag pa ng kanyang ina.
"Ma! Malaki na ako at nakakatandang kapatid ako ni Graciella. Isa pa, may trabaho ako, hindi ko kailangan ng pera ng kapatid ko," kontra ng Kuya niya.
"Ano bang pera niya ang pinagsasabi mo. Pera ko yun Garett. Kahit na siya ang nagtatrabaho, ako ang nagpalaki sa kanya kaya kung tutuusin akin yun bilang kabayaran sa pag-aaruga ko sa kanya."
Hindi na sumagot pa ang Kuya Garett niya pero dinig niya ang pagpakawala nito ng isang malalim na buntong hininga.
"Nasaan na kaya ang batang yun ng masabi ko sa kanya ang tungkol sa pagpapakasal niya," palatak ng kanyang ina.
Hindi na siya nakatiis pa at tuluyan ng pumasok sa loob. Tila hindi naman inaasahan ng kanyang ina ang pagdating niya. Kita pa niya ang kaunting kaba sa ekspresyon nito.
Hilaw itong ngumiti. "Graciella, anak… Kanina ka pa ba? Nagbibiruan kasi kami ng Kuya mo pero pwede ring totohanin. Alam mo kasi, hindi naman batayan ang edad sa pag-aasawa. Ang importante ay may pera—"
"Ma, ayoko pong magpakasal," putol niya sa sasabihin sana nito.
Tila napagod na ang kanyang ina sa pagkukunwari nito at agad na tumikwas ang isa nitong kilay. "Hindi ko hinihingi ang opinyon mo, Graciella. Ako ang bumuhay sayo kaya dapat lang na tumanaw ka ng utang na loob. Magpapakasal ka sa lalaking yun sa ayaw at sa gusto mo!"
Simula nang mga bata pa sila ng Kuya Garett niya, ramdam niyang hindi siya paborito ng kanyang ina. Tuwing pumupunta ng bayan ang Mama Thelma niya, ang Kuya Garett niya lang ang may pasalubong pag-uwi. Binibilhan din ito ng kanyang ina ng magagandang damit samantalang siya ay halos hindi nito napagtutuunan ng pansin.
Tiniis niya ang pagtrato nito sa kanya dahil kahit papaano, ito ang nagbigay ng buhay sa kanya pero hindi siya makapaniwala na darating sila sa punto na pipilitin siya nitong magpakasal dahil lang sa pera.
Huminga siya ng malalim kasabay ng pagkuyom ng kanyang kamao. "Ma, buntis ako kaya hindi ako pwedeng magpakasal sa lalaking sinasabi mo pero kung ipagpipilitan mo talaga, sigurado ka bang matatanggap niya ang kalagayan ko ngayon?" Walang pag-aalinlangan niyang sambit.
Kita niya ang labis na gulat sa mukha ng kanyang Mama Thelma at Kuya Garett.
Unang nakabawi ang kanyang ina at pinanlisikan siya ng mga mata. "Hindi kita pinalaki para magiging malanding babae Graciella! Ipagpapalagay ko na hindi mo sinabi ang bagay na iyan pero kapag narinig ko pa mismo ulit sa bibig mo ang mga katagang sinabi mo, makikita mo talaga ang hinahanap mo!"
Pinili ni Graciella na talikuran na ang kanyang ina. Kilala niya ito. Alam niyang hindi ito titigil hangga't hindi nito nakukuha ang gusto.
Nasa labas na siya ng bahay nang maramdaman niya ang pagsunod ng Kuya Garett niya sa kanya.
"Huwag mo ng alalahanin ang sinabi ni Mama, Graciella. Hindi ko balak na kuhanin ang pera mo o pilitin kang magpakasal."
Tipid siyang ngumiti. "Alam ko naman yun, Kuya."
Kahit na hindi siya paborito ng mga magulang niya, mahal na mahal naman siya ng Kuya Garett niya. Ito ang nag-aalaga sa kanya mula ng mga bata pa sila. Kung wala ito, hindi siya sigurado kung mabubuhay siya at aabot sa edad niya ngayon.
Ngumiti din ang kanyang kapatid. "Mabuti naman. Pero kahit galit ka kay Mama, hindi parin magandang biro ang sinabi mo kanina, Graciella."
"Sino bang nagsasabing nagbibiro ako Kuya. Buntis ako at plano na naming magpakasal ng ama ng batang dinadala ko."
Nanlaki ang mga mata ng Kuya Garett niya. Mabilis nitong hinawakan ang kanyang braso kasabay ng sunod-sunod nitong mga tanong. Wala naman siyang ibang ginawa kundi ipinakita dito ang ultrasound picture na ibinigay sa kanya kanina sa ospital. At dahil sa gulat ng kanyang kapatid. Sinamantala niya iyon para makaalis sa bahay nila.
Habang naglalakad siya ay nasapo niya ang kanyang noo. Ano bang nakain niya at sinabi niya dito na magpapakasal sila ng lalaking nakabuntis sa kanya?
Napabuntong hininga nalang siya. Sigurado siyang palalayasin siya ng Mama Thelma niya sa pamamahay nila at ayaw din naman niyang mag-alala ang Kuya Garett niya sa kanya. Kaya kung ipagpapatuloy niya ang pagbubuntis niya, kailangan niya ng lalaking tatayo bilang ama ng anak niya!
Pero ayaw naman niyang magpakasal sa lalaking gusto ng kanyang ina para sa kanya. Baka mamaya, uugod-ugod na yun o di kaya ay matandang hukluban!
Napakamot siya ng ulo kahit na wala namang makati nang maalala niya ang lalaking naka-one night stand niya isang buwan na ang nakalipas.
Mabilis niyang dinukot ang calling card nito na kanyang itinabi at tinawagan ang numero. Agad namang sumagot ang nasa kabilang linya kaya hindi na siya naghintay pa ng matagal.
"Hello, Sir. Naalala niyo pa po ba ang nangyari sa hotel La Grande Suite 503 isang buwan na ang nakalipas? Sinabi mo sakin na tatawagan kita kapag may kailangan ako sayo. Ngayon, kailangan ko ang tulong mo. Hihintayin kita sa Civil Affairs Bureau dito sa Makati dahil kailangan mo akong pakasalan…"
Pagkatapos niyang patayin ang tawag ay sumakay na siya sa kanyang electric scooter at nagtungo sa Civil Affairs Bureau para doon hintayin ang lalaki. Tulala siya habang nakaabang sa harapan ng building. Ni hindi na nga niya namalayan na may sasakyan na palang huminto sa harapan niya. Napapitlag nalang siya nang may anino na halos tumabon sa kanya. Dahan-dahan siyang nag-angat ng tingin at agad na sumalubong sa kanya ang isang pares ng itim na mga mata na para bang hihigupin ang sinumang tumitig doon.Sinipat niya ng tingin ang lalaki. Matangkad ito at matikas, nakasuot ng isang salamin, may matapang na awra na parang hindi marunong magbiro. Siguro nasa lampas six feet ang tangkad nito. Kahit sa height niyang five four inches, kailangan pa niyang tumingla kung kakausapin niya ito."You're the one who called me?" Tanong nito sa baritonong boses.Ito ba ang lalaking naka-one night stand niya? Dahil masyadong magulo ang utak niya ng gabing may nangyari sa kanila, halos hindi na niya ma
Naging mabilis lang ang pangyayari. Sa halos sampung minutong lumipas ay narehistro na agad ang kasal nilang dalawa. Ang problema niya nga lang ay ang nakasimangot na mukha ng lalaki. Nagduda tuloy ang mga staff sa loob ng ahensyang iyon na napilitan lang ito na pakasalan siya. O hindi nga ba? Ilang beses pa itong tinanong ng mga staffs kung sigurado ba talaga ang lalaki sa desisyon nito.Habang lihim niyang pinagmamasdan ang mukha nito ay hindi niya maiwasang itanong sa sarili niya.Hindi ba talaga ito marunong ngumiti?Pero lumipas ang ilang sandali ay nawala ang atensyon niya dito lalo pa ng makita niya ang makulimlim na kalangitan sa itaas. Naalala niyang may paparating palang bagyo sa lugar nila. Kailangan na niyang umuwi para iligpit ang mga sinampay niya."Sir may importante pa pala akong pupuntahan. Mag-usap nalang po tayo through chat kung may tanong kayo. Add friend nalang po kita."Hindi naman ito nag-atubili at nakipagpalitan ng account name sa kanya. Ngayon niya lang nap
Mas lalo lang na nandagdagan ang kuryosidad ni Garett tungol sa kasal ng kanyang kapatid nang hindi makasagot si Graciella sa mga katanungan niya."Hayaan mo na ang kapatid mo, Garett. Malaki na yan at alam na niya ang ginagawa niya sa buhay," singit ni Cherry, ang asawa ng kanyang Kuya Garett."Tama si Ate Cherry, Kuya, kaya huwag ka ng masyadong mag-alala sakin," sang-ayon niya sa kanyang hipag."Pero sa kabilang banda, dapat parin na nagpaalam ka kay Mama Thelma tungkol sa biglaan mong pagpapakasal para mapag-usapan ninyong mabuti kung tama ba ang desisyon mo o hindi," bigla nitong kambyo sa nauna nitong pahayag.Lihim siyang napaingos. Ano bang dapat nilang pag-usapan? Para hindi siya nito payagan at tuluyan siyang ipakasal sa matandang lalaki na gusto nito para sa kanya kapalit ng pera?"Alam mo kasi tayong mga babae, ilang taon lang tayong bata at kapag nagkaedad tayo, wala na… Hindi katulad ng mga lalaki, habang pataas ng pataas ang edad, pataas din ng pataas ang value nila. Is
Itinago ni Graciella ang ATM card na binigay ng Kuya niya, hindi para gamitin iyon kundi para itabi kung sakaling mangangailangan ng tulong ang kapatid niya sa hinaharap.Nang tuluyan ng tinanggap ni Graciella ang ibinigay ni Garett ay hindi nito mapigilan ang sarili na mapangiti dahil sa tuwa. "Kapag may oras ka, huwag mong kalimutang ipakilala sakin ang lalaking pinakasalan mo."Pilit na ngumiti si Graciella. "Hayaan mo, Kuya. Sasabihan ko siya na bibisita kami dito sa susunod."Sumapit ang alas singko ng hapon. Nagpaalam na si Graciella sa kanyang kapatid lalo na at susunduin pa nito ang kanyang pamangkin sa eskwelahan. Hindi narin siya nagtagal, lalo pa't mukhang hindi parin maganda ang loob ni Cherry sa kanya.Pero kahit hindi sila magkasundo ni Cherry, hiling pa rin niya ang maayos na pagsasama nito kasama ang kapatid niya. Wala ng mas sasaya pa sa magkakasundong pamilya.Nang makaalis siya sa bahay ng Kuya ay dumiretso na siya sa pharmacy. Unang pagbubuntis niya ngayon at halos
"Tumahimik ka!" Pinanlisikan ni Brittany ng mga mata si Kimmy pero hindi naman nagpaawat ang huli."At bakit ako tatahimik? Nagsasabi lang ako ng totoo!"Nakakuha na ng atensyon sa mga naroon ang sagutan nina Kimmy at Brittany. Agad namang lumabas mula sa opisina nito ang manager nilang si Sir Marlou."Anong nangyayari dito?" Masungit nitong tanong. Bakas sa mukha ng lalaki ang disgusto sa mga nangyari.Mabilis siyang humakbang sa unahan at itinago sa likuran niya si Kimmy para protektahan ito. Problema niya ang bagay na ito kaya dapat lang na siya ang humarap sa dalawa."Sir Marlou, ako po ang nakabenta ng sasakyan kani-kanina lang. Bakit bigla niyo pong ibibigay kay Brittany ang credit ng mga pinagpaguran ko?"Nakapamewang na humarap sa kanya si Sir Marlou. "Graciella, si Brittany ang unang nilapitan ng mag-asawa kanina. Kumain lang sandali si Miss Lorenzo sinulot mo na agad ang kliyente niya. Kung may nandaraya man dito, ikaw yun at hindi si Brittany."Puno ng kumpyansang humarap s
Agad na tumikwas ang isang kilay ni Graciella sa narinig mula kay Brittany. "Talaga? Okay, kung ganun ay kakausapin ko nalang si Sir Marlou," kibit balikat at kalmado niyang sagot.Napalunok si Brittany. Hindi niya alam kung anong gayuma ang ginamit ni Graciella at tila nag-iba na ang ihip ng hangin. Iyon ang unang beses na pinagalitan siya ni Marlou. She can't believe that this is actually happening."Kung akala mo nanalo ka ngayon, pwes nagkakamali ka Graciella! Just wait! May araw ka rin sakin!" Galit na asik ni Brittany bago padaskol na lumabas at binagsak pa ang pintuan.Nang makaalis si Brittany ay bumungisngis ng tawa si Kimmy. "Nakakatawa ang reaksyon niya Graciella. Parang umuusok na yung ilong niya sa galit. Pero maiba tayo, hindi ko inaasahan na ganyan ka pala katapang, girl. Akala ko hindi ka marunong magalit."Ngumiti lang si Graciella sa naging pahayag ni Kimmy."Nagsumbong ka ba sa General Manager para isauli ni Brittany ang mga files sayo?" Usisa pa ni Kimmy.Marahang
Dahil Disyembre na, umakyat na ang bilang ng kanilang customer. Holiday season na kasi kaya mas lalo ng magiging abala si Graciella.Siya nalang ang natitira sa shop dahil nauna ng umuwi ang mga kasamahan niya. Tinapos niya muna ang huling deal niya sa kanyang customer bago niya isinara ang shop para umuwi narin.Nang makarating siya sa labas, umuulan parin pero hindi na gaya kanina. Akmang sasakay siya sa kanyang scooter nang maalala niyang buntis na nga pala siya at masyadong madulas ang daan dala ng ulan.Huminga siya ng malalim bago isinilid sa kanyang bag ang susi ng kanyang motor. Mag-isa lang siya. Kung sakaling may mangyaring masama sa kanya, baka mapano din ang dinadala niya.Dinampot ni Graciella ang kanyang cellphone at tumawag nalang ng taxi na maghahatid sa kanya sa tinutuluyan niya.Habang naghihintay siya sa taxi ay nakatanggap siya ng tawag mula kay Kimmy na agad naman niyang sinagot."Masyadong maulan ngayon, Graciella. Gusto mo bang sunduin ka namin ng boyfriend ko p
Dahil sa gulat, naningas si Graciella sa kinauupuan niya at kung hindi pa siya tinawagan ng taxi driver na dapat ay susundo sa kanya, hindi pa siya makakabalik sa kanyang huwisyo.Mabilis na humingi ng dispensa sa driver si Graciella dahil sa abalang dulot niya. Mabuti nalang mabait ang driver at inintindi naman siya nito. Nang mawala sa paningin nila ang taxi, umusad narin ang sasakyan ni Drake paalis sa shop.Hindi na muli pang nagsalita si Drake, bagkus ay napuno ng nakakabinging katahimikan sa pagitan nila. Patuloy parin ang malakas na pagkabog ng kanyang dibdib. Kahit na wala pang ginagawa si Drake, pakiramdam ni Graciella ay aapihin siya ng lalaki. O baka masyado lang rin siyang nag-iisip ng kung anu-ano?Pero sa kabilang banda, kasalanan naman niya kung bakit mukha itong galit. Inaya niya itong pakasalan siya tatlong araw na ang nakalipas pero nang muli silang magkita ay hindi niya ito agad nakilala.Tumikhim siya para kunin ang atensyon nito. "M—Mr.Yoshida, saan po pala tayo p
Narinig niya ang pabulong na pagsasalita ni Owen sa kabilang linya na para bang kinakausap nito ang sarili. Sigurado siyang kung anu-anong senaryo na naman ang pumapasok sa isipan nito kaya naman agad niyang iniba ang usapan."Anong balita kay Grandma?""Narinig ko pong nagpabili siya sa isa sa mga housekeeper ng panibagong tela dahil balak niyang manahi," sagot ni Owen.Nakahinga ng maluwag si Drake sa narinig. Kahit na sinabi ng matanda na balak nitong ipahanap ang nagligtas sa buhay nito at gawing isang ganap na Yoshida, mukhang nakalimutan na yata iyon ng matanda na ipinagpasalamat niya. Suportado niya ito sa kung anuman ang balak nitong gawin pwera lang sa pamimilit sa kanya na magpakasal na."Sabihan mo ang mga guards at kasambahay na bantayang maigi si Grandma dahil kung mauulit pa ang nangyari noong nakaraan, sila ang mananagot sakin.""Masusunod po, Master Levine," agaran na tugon ni Owen.Saktong pagkatapos niyang makausap si Owen, narinig niya ang papalapit na yabag ni Grac
Habang nalilibang siya sa panonood kay Graciella, tumunog ang kanyang cellphone. Nang tingnan niya ang caller ay nakita niyang si Owen iyon."What's the matter?" Kaswal niyang bungad."Master Levine, kumunsulta po ako ng legal adviser kaninang umaga. Kung gusto niyo pong idivorce si Miss Santiago, kailangan po ninyong dumaan sa one month cooling period pero kung hindi na talaga kayo makapaghintay pa, pwede naman po kayong magfile agad. Hindi ko lang po alam kung may mga properties po kayong paghahatian—""Huh? Bakit ka kumunsulta ng legal adviser?" Putol ni Drake sa sasabihin sana ni Owen sa pagalit na paraan. Natigilan naman si Owen sa naging reaksyon ni Drake sa sinabi niya. "Uh, hindi po ba nagmamadali kayong umuwi ng apartment kagabi dahil galit kayo kay Miss Santiago at nais ninyong makipagdivorce sa kanya?" Naguguluhan niyang tanong.Sinadya niya talagang kumunsulta ng palihim sa isang private consultant dahil baka kumalat sa media ang tungkol sa kasal ng boss niya kay Miss San
"Hello po, Sir, meron po kaming latest brand ng pressure cooker na binuo mula sa pinakabagong teknolohiyang panggatong na binuo sa Germany na siyang most rice consumer sa buong mundo. Kapag ito po ang ginamit ninyo, para narin kayong nagsaing ng kanin gamit ang kahoy na panggatong lalo pa't pinapalabas nito ang natural na aroma ng bigas. Nakasale po tayo at ten percent discount at… kapag binili mo itong pressure cooker kasama ang steamer at electric cooker, may twenty percent discount po kayo na may kasama ng three packs nitong well milled rice!"Mahabang litaniya ng saleslady na wala ng balak pa na lubayan si Drake. Hindi magaling si Drake sa pakikipag-usap sa mga sales lady ng mall lalo na ang madaldal na kagaya nitong kaharap niya. Madalas kasi kapag may pinapabili siya, si Owen ang namamahala ng mga orders niya pero iba itong si Graciella."Hindi ba't China ang pinakamalaking percentage ng rice consumer sa buong mundo? Hindi ko alam na napalitan na pala ng Germany," kaswal na pun
Kinabukasan ay bumili ulit si Graciella ng agahan nila. Dahil kinain naman ni Drake ang pancake na binili niya noong nakaraan, bumili siya ulit para sa lalaki at sinamahan pa niya ng wonton soup.Bahgyang napangiwi si Drake sa amoy ng mantika pero nang matikman na niya ang sabaw ay nawala narin ang pangit niyang ekspresyon. Gaya ng gusto ni Graciella, lumilitaw ulit sa sa kutsay ang wonton soup. Bumagay naman iyon sa lasa ng sabaw kaya ayos narin.Habang kumakain si Drake, nakita niya si Graciella na may maraming pandesal sa pinggan nito. "Hindi ka yata kumain ng burger ngayon?""Hindi ako bumili. Gusto mo ba ng burger?"Mabilis namang umiling si Drake. "Hindi."Kung nataon na noong hindi pa niya lubos na kilala si Drake, iisipin niyang galit ang lalaki pero ngayong medyo nasanay na siya sa mukha nito, masasabi niyang kahit na nakasimangot ito o minsan ay nakakatakot ang mga mata kung tumitig gaya ngayon habang tumatanggi ito sa kanya, talagang normal lang iyon sa lalaki."Nakakasawa
Mabilis namang natigilan si Drake nang mapagtanto ang kanyang ginawa. Baka mamaya isipin ni Graciella na masyado siyang padalos-dalos pagdating sa paggastos ng pera."Inirekomenda sa akin ng kaibigan ko yan. Kahit medyo may kamahalan, matibay naman. At gagamitin natin yan sa loob ng mahabang panahon kaya sulit parin," matabang niyang paliwanag.Talagang hindi na kapani-paniwala ang sarili niya. Siya na may-ari ng Dynamic Group of Companies nagpapaliwanag pa sa babae sa bagay na binili niya kahit na sariling pera naman niya ang ginamit niya?! Nakakatawa na talaga siya. Sa kabilang banda, naniniwala naman si Graciella na may kalayaan parin ang bawat isa sa kanila sa paggastos ng kani-kanilang pera. Yun nga lang, wala siyang balak na hayaan pa si Drake na mamili sa ibang bagay. "Darating na sina Kuya bukas kaya sa mall nalang ako mamimili ng iba pang kulang natin dito dahil kung sa online tayo oorder, aabot pa ng dalawa o tatlong araw bago darating," paliwanag niya. Nakahinga ng maluw
"B—bakit mo ako binigyan ng ganyan? Diba may inabot ka na sakin noong nakaraan?" Naguguluhang tanong ni Graciella."Para yun sa mga gamit dito sa bahay. Tapos ito naman para sa pang-araw araw nating gastusin dito sa bahay. Kailangan mong mamili ng mga rekados kung magluluto ka kaya ito ang gamitin mo. Magtatransfer ako ng pera diyan buwan-buwan."Mabilis na umiling si Graciella. "Diba nag-usap na tayo noong nakaraan na sayo ang malalaking halaga ng gamit dito sa bahay tapos akin ang maliliit. Isa pa, mura lang naman ang mga gulay sa palengke."Ayaw niyang abusuhin ang kabaitan ni Drake. Pero pagkatapos niyang magsalita, pinukol siya nito ng isang masamang titig para ipaabaot sa kanya na hindi nito nagugustuhan ang sinabi niya. Wala na tuloy siyang nagawa kundi tanggapin nalang ang panibagong ATM card na ibinigay nito.Hindi niya tuloy maiwasang lihim na magmaktol.May usapan na sila pero bakit pabago-bago ang isipan ni Drake tungkol sa napagkasunduan nila?Tapos sabi pa nito noon na l
"Baka hindi niya talaga gusto yang lobster kaso hindi niya lang masabi sa kaibigan mo," kaswal na komento ni Drake."Kahit na. Dapat sinabi niya parin kaysa itapon yung pagkain. Girlfriend naman niya si Kimmy. Isa pa, sabi ni Kimmy malakas naman talaga kumain ng lobster si Felip. Siguro gusto naman talaga niya yung lobster pero ang hindi niya gusto ay si Kimmy ang nagpabalot nun para sa kanya."Sandaling nasira ang mood ni Graciella pero maya-maya lang ay tipid itong ngumiti kay Drake. "Maraming salamat sa pagdala mo nitong lobster. Pipicturan ko'to at isesend ko kay Kimmy kapag gising na siya. Tapos ibibigay ko rin sa kanya itong kwintas para siya na ang magsauli nito kay Felip."Hindi naman importante sa kanya si Felip. Si Kimmy ang mas mahalaga.Akala niya dati ay mabuting tao si Felip para kay Kimmy pero mukhang nagkamali yata siya. Kailangan niyang mapagsabihan ang kaibigan niya na mag-ingat sa boyfriend nito.Wala namang tutol si Drake sa plano ni Graciella.Infact, mas may inte
Pero aminin man niya o sa hindi, unti-unti ng naglalaho ang galit niya sa babae. Lalo pa't wala siyang kakaibang napapasin sa mga ikinikilos nito at kaswal lang siyang pinagsisilbihan. Hindi niya maiwasang isipin na baka nagkamali lang talaga siya sa nakita niya kanina.At para matapos na ang lahat, napagpasyahan ni Drake na subukan si Graciella.Maingat na inilapag ni Drake ang hawak niyang mangkok bago nagsalita. "Graciella, may nakita akong dalawang partikular na tao kanina sa Burgos Street pero napansin ko na kamukhang-kamukha mo yung babae.""Burgos Street? Inimbitahan kami ng general manager namin kanina para sa team dinner ng Dynamic Wheels. Doon kami sa restaurant na malapit sa sinasabi mo—"Sandaling natigilan si Graciella nang may mapagtanto siya. "Baka nga ako yung nakita mo at ang lalaki naman ay si Felip, kaibigan ko. Teka lang ha."Felip…That's so bold of her to say his lover's name infront of him.Nagkamali lang kaya talaga siya?Habang nag-aalangan siya, nakita niya s
"Masaya ka ba?""Ano bang klaseng tanong yan. Syempre oo no! Doble sa sahod ko ang kikitain ko kapag nagsimula na ako doon," masiglang sagot ni Graciella.Hindi pa siya nakakaget-over sa kaisipang doble sa kasalukuyan niyang income ang kikitain niya tapos magaan lang ang trabaho niya.Bahagyang napasimangot si Drake habang nakikita ang masasayang ngiti ni Graciella. Talagang nagniningning ang mga mata nito sa tuwing pera na ang usapan."So, kaya marami tayong pagkain ngayon dahil isa itong selebrasyon?"Muli siyang sumulyap sa mga pagkain na nasa hapag. Isn't it too early to celebrate? Kapag hindi ito nakapasa sa assessment ay hindi rin naman ito tuluyang makakapasok.Tila nahihiya namang tumango si Graciella. "Parang ganun na nga pero ang isa sa mga rason ay nais talaga kitang palasalamatan.""Pasalamatan? Why?""Sobrang hirap ng kumpetisyon para sa position na nakuha ko. Kung tutuusin ay wala naman dapat ang branch namin sa pagpipilian pero nasali parin. Drake, may sinabi ka ba kay