Chapter 14

"Bravo!"

Matapos kong pagbabarilin ang mga babae ay lumapit sa akin si Tristan at todo palakpak. Manghang-mangha siya sa ginawa.

"Ang bakla niyo kasi. Akala ko ba gusto niyo manalo." Taas-noo ko siyang sinabihan.

"Si Isaac ang bakla, akala ko mamatay na ako kanina," depensa ni Tristan na ngayon ay nasa tabi ko na.

"Bumalik na nga kayo sa pwesto niyo. Ang dami pa nating kalaban. Huwag muna tayo magsaya. Hindi pa tapos ang laban," malakas na sigaw sa amin ng dakilang playboy na si Isaac.

Ayaw niya pang tanggapin na nabakla siya kanina.

Muli kaming bumalik sa second floor at nag-abang doon. Medyo tahimik na sa ngayon. Wala na ang malakas na putukan. Siguro ay naghahanda pa ang mga kalaban sa pag-atake nila. Dapat ay hindi kami makampante.

"Sugurin niyo ang mga Guevarra!" Ilang sandali lang ay narinig namin ang utos ng isang lalaki sa kanyang mga kasamahan.

Unti-unti nang lumalapit sa amin ang grupo ng mga lalaki at nagsimula nang magpaputok. Ngunit ilang sandali lang ay may nagpaputo