Chapter 26

"Teacher! Teacher!"

The kids shouted in chorus. Patapos na ang klase nila pero panay parin ang tawag nila kay Crystal dahil pinapatingnan nila ang mga ginuhit nila sa notebook.

"Ang galing mo naman Erica," papuri nito sa bata.

Nasa labas lang kami ng pinto at naghihintay. Sumisilip lang ako sa bintana.

"Teacher nandito na po ang dalawang modelo," sabi ng isang batang lalaki matapos sumilip sa labas.

"Talaga? Sige kumain muna kayo at pagbalik ninyo iguguhit natin ang mga modelo natin."

"Okay po!"

Mabilis namang nagsilabasan ang mga bata at nilapitan ang mga magulang nila sa labas.

"Ang sigla naman ng mga estudyante mo. Nagmana sa teacher," komento ko ng pumasok sa classroom.

"Masaya silang natututo." Lihim na napangiti si Crystal nang makita sa likod ko si Ruan. "Magkasama pala kayo," halos patukso niyang banggit.

"May dala kami para sa mga bata." Inilagay ni Ruan sa isang mesa ang mga dalang plastic bag.

"Mas gaganahan silang magdrawing niyan."

"Teacher! Gusto ko pong maging kasing ga