Chapter 58

TIRIK na ang araw nang magmulat ng mata si Camilla, nakabalot siya ng kumot habang nakahiga sa sofa. Pinilit niyang bumangon kahit ayaw pa ng katawan niya dahil nakakaramdam pa siya ng labis na antok ngunit kailangan niyang gawin dahil may pasok pa siya. Naalala niya madaling araw na pala siya nakatulog dahil sa kalasingan. Pilit niyang inalala ang nangyari, nangiti at naiiling na lang siya nang maalala ang ginawa niya kay Damon. Oo, naalala niya ang ginawa niyang paghalik dito ngunit tinanggihan lang siya ng lalaki. Ang totoo ay sinadya niya talaga iyon, at dahil nakainom siya ay malakas ang loob niya na gawin iyon, gusto niya kasing malaman ang nararamdamam nito para sa kaniya kung pareho ba ng nararamdaman niya para sa lalaki. Maging ang mga sinabi niya dito ay tanda pa niya. Bakit ba niya iniisip na nagseselos ito kay Zeke?

" Baliw ka, Camilla. Paano mo pa siya haharapin ngayon? Nakakahiya ka!"

Muli siyang napahiga at nalamukos ang mukha, hindi niya alam kung saan siya humugot