Chapter 61

Isang elegante at malawak na kwarto ang pinasukan nila ni Damon matapos ihatid si Sarah sa sarili nitong kwarto. Nilibot niya ang paningin sa kabuuan nito at natigilan siya nang mapansing nag-iisa lang ang kama, may isang TV sa tapat noon kung saan maari kang maglibang kung nais mo lang manatili sa kwarto. Sa bandang kanan naman naroon ang terrace na kung saan tanaw ang kabuuan at ganda ng dagat.

" Sa sofa na lang ako matutulog ikaw na sa kama," ani Damon nang mapansin ang pananahimik niya.

" Sigurado ka ba? Nakakahiya naman, maluwag naman iyong kama kaya pwede ka na rin doon."

" Hindi na, okay na ko dito."

Naupo ito sa sofa at binuksan ang TV.

" Okay lang naman sa'yo na nasa iisang room tayo, 'di ba?" tanong pa nito.

" O-oo naman," nakangiti niyang tugon.

Ang totoo ay mas gusto nga niya itong kasama sa iisang kwarto. Napansin niya na napatitig ito habang nangingiti sa kaniya.

" Oh, bakit?"

" Ang laki na kasi nang pinagbago mo, ang bait mo na sa'kin."

" Gusto mo ba tarayan ki