Chapter 64

Sa isang floating cottage naman nila naisipang pumwesto para mas ma enjoy pa ang magandang isla at syempre para makaiwas na rin sa mga fans ni Damon na para kay Camilla ay malaking abala.

" Alright, guys! Let's do this!" ani Zeke habang bitbit ang mga gamit sa pagluluto at humanda na sa pag-alis.

Bitbit naman ni Damon ang isang malaking styro na naglalaman ng iba't-ibang seafoods at karne na maaari nitong iluto. Tila naman walang kapaguran si Sarah na noon ay nakaswimsuit na rin at handa na muling magswimming. Panay naman ang sigaw ni Camilla dahil sobrang nai-enjoy niya talaga ang ganda ng paligid, maya't-maya siyang kumukuha ng litrato at video para sa kanilang lahat. Nilapitan niya si Damon at kinuhanan ng video habang nagluluto.

" Smile naman diyan, Damon sige na!" aniya habang nakatutok sa lalaki ang camera.

Ngumiti naman ang lalaki kaya lalo siyang napatili. " Ayan! Napakagwapo talaga!" Hindi niya napigilan ang mapabulalas.

" Hoy! Narinig ko 'yun, ah?" ani Zeke na isiningit a