Chapter 72

HINDI na tumanggi si Camilla nang ayain siya ni Damon na pumunta sa bar ni Zeke pagkagaling nila sa restaurant. Anito ay kaylangan niyang malibang dahil napansin nito na ilang araw na rin siyang tila wala sa sarili matapos nilang makapag-usap ni Mico. Nakokonsensya pa rin kasi siya dahil sa nangyaring pakikipaghiwalay kay Mico at piliin si Damon. Hindi niya naman pinagsisihan ang bagay na iyon ngunit talagang binabagabag siya ng konsensya. Kung tutuusin ay napakaswerte niya kay Mico dahil mahal na mahal siya nito ngunit tinapon niya na lang basta para piliin si Damon. At ngayon isa pang malaking problema niya ay kung paano ipapaalam iyon sa matalik na kaibigan.

Ginagap ni Damon ang kamay niya nang mapansing nakatahimik lang siya.

" Are you okay?"

Tumango lang siya at pilit na ngumiti. Ibinaling niya ang mata sa mga kabataang sumasayaw sa gitna ng dancefloor. Maya-maya lang ay dumating si Zeke para bigyan sila ng alak.

" You must try this, pare. The most ordered beer dito sa bar ko