Chapter 76

76

Nanlulumong napaupo si Camilla matapos siyang iwan ng kaibigan, pumasok ito sa mini office para sundan si Damon sa loob. Ipinilig niya ang ulo upang gisingin ang sarili na kanina pa yata lutang. Bigla na lang sumulpot ang kaibigan ng walang pasabi,napapikit siya sa magkahalong kaba at guilt. Habang tumitingin siya sa mga mata ni Athena ay lalo niyang nararamdaman ang sarili bilang isang traydor at walang utang na loob na kaibigan. Ngunit sa kabilang banda ay nananaig rin ang pagmamahal niya para kay Damon,magagawa nga kaya siyang iwan ng lalaki?

" Are you okay, Camilla?" anang baritonong boses.

Nang tumingala siya ay si Mico ang nabungaran niya. Sa hindi inaasahang pagkakataon ay nagpasalamat siya sa pagdating nito.

" M-Mico."

" You look pale, okay ka lang ba?" nag-aalala pa ring tanong ng binata.

Tumayo siya at inaya ang lalaki palabas. " Pwede bang ilayo mo muna ako dito?" pakiusap niya sa nagtatakang binata.

" Ano bang nangyari?"

" Huwag ka nang magtanong basta ilayo mo mun