Chapter 84 - The Face-Off Again

"Let’s talk!" Napa-angat si Wyatt ng ulo niya buhat sa mga binabasa na mga dokumento nang marinig niya ang boses na iyon ni Mikel na walang katok-katok na pumasok sa kan’yang opisina rito sa kumpanya ng ama niya. Hindi niya inaasahan ang pagpunta rito ng kan'yang pinsan at ang muli na maangas nito na salita sa kan'ya.

"Ano ang ginagawa mo rito? You’re supposed to be in Baguio with Tamara, not here. Alam mo na kailangan na may bantay siya dahil hindi pa natin alam ang mga plano ng ama mo." May pag-aalala sa boses ni Wyatt, lalo na at hindi nila maaari na iwan na walang kasama maski sino sa kanilang dalawa si Tamara dahil sa panganib na hatid ng ama ni Mikel na si Leonardo.

"I said, let’s talk." Muli na ulit ni Mikel at hindi sinagot ang nauna niya na tanong. Umupo si Mikel sa upuan sa harapan ng lamesa niya at nagsalita. "Stop whatever it is that you’re doing and talk to me, Wyatt!" utos pa ni Mikel sa kan'ya.

Sumandal si Wyatt sa kan'yang kinauupuan at sarkastiko na ngumiti sa kan’y