Chapter 90 - Leonardo Brings Danger

"Buwisit! Lintik! Peste! P*****a! Tarantado!" Sunod-sunod na malalakas na mura na naman ang namutawi sa bibig ni Leonardo habang kaharap si Chad sa kan’yang mansyon. Kung masasabi lamang niya ang lahat ng salitang mura na naimbento ay ginawa na niya dahil sa pagpupuyos ng kalooban niya ngayon. Galit na galit na naman siya sa balita na nakarating sa kan’ya. Ang balita sa muli na pagkakamabutihan ni Mikel at ni Tamara.

"Leonardo, kumalma ka muna." Singit naman ni Chad na natataranta na rin dahil sa nakikita na galit sa mukha ng matanda sa harapan niya.

Mas lalo na nagdilim ang mga tingin ni Leonardo sa kan’ya at galit na galit na nagsalita muli. "Kumalma?! Tanga ka ba talalga, Chad?! Paano ako kakalma kung hindi na naman umayon sa kagustuhan ko at mga plano ko ang mga pangyayari? Lintik talaga! Paano nangyari na nakuha na pagkatiwalaan muli ni Mikel ang kapatid mo? Bakit dinala pa niya ang kapatid mo sa pamamahay niya, kahit alam na niya ang katotohanan na si Wyatt ang ama ng bata? Nab