Kabanata 859

Nakita ni Neil si Victoria na naglalakad papunta sa kanila mula sa malayo at kumunot ang noo niya. Binalot niya ang braso niya kay Aurelia at hinila siya sa tabi niya.

Naintindihan ito ng iba nang nakita nila ang reaksyon ni Neil. Kahit na hindi nila gustong galitin ang prinsesa, hindi rin madaling banggain ang mga Harris. Kung kaya't yumuko sila sa paggalang at naghanap ng palusot para maglakad papalayo.

Hindi makapaniwala si Victoria. Hindi siya pinansin ng lahat!

“Victoria.” Nagmula sa likuran niya ang boses ni Alexander.

Lumingon siya at nakita niya ang maliit na ngisi ng kapatid niya.

“Sinabi ko na sa'yong wag mong masyadong taasan ang tingin mo sa royal status mo.” Mahina niyang sabi. “Hindi tanga ang mga tao. Alam nila kung sinong mahalaga sa hindi!”

“Ano?” Ngumisi si Victoria. “Hindi ako pwedeng sumali ngayon sa kasiyahan? Nasa palasyo tayo. Ito ang bahay ko. Sa tingin mo tama na magsagawa ng party dito nang wala ang permiso ng may-ari!?”

“Sumosobra ka na, Victoria.