Kabanata 2

Highschool pa lang ay sobrang tayog na ni Miguel, parang bituin na tinitingala ng lahat, samantalang halos hindi naman maramdaman ang presensiya ni Mayumi. Tila isa lang siyang ekstra sa isang love story, tahimik na pinagmamasdan ang bidang lalaki at ang kapareha nitong babae na nagroromansahan.

Ilang taon na nga ba siyang may lihim na pagtingin kay Miguel? Halos hindi niya na maalala kung kailan iyon nagsimula. Kaya naman noong nag-propose si Miguel ng kasal sa kaniya, akala niya’y nananaginip lamang siya at anumang oras ay magigising siya.

Sa loob ng tatlong buong taon sa high school, anim na salita lang ang nasabi ni Mayumi kay Miguel.

"Hello! Mayumi nga pala pangalan ko."

Sa kasamaang palad, hindi man lang maalala ni Miguel na magkaklase sila noong highschool, at tila nakalimutan din nito ang pagsisikap na ginawa niya noon para magkaroon ng lakas-loob na lapitan at makausap ito.

Umupo si Mayumi sa kama. Walang ilaw sa kwarto kaya madilim. Hindi niya maiwasang hawakan ang kaniyang tiyan. Mahirap isipin na may bata na sa loob niyon…ang anak nila ni Miguel.

Subalit hindi pa rin nakatitiyak si Mayumi na buntis siya. Minsan kasi may mga pagkakataon na hindi tama ang resulta sa pregnancy test. Walang siyang orasl para pumunta sa ospital para magpa-check up lalo na sa mga susunod na araw. Plano niyang bumili nalang ng iba't ibang brand ng pregnancy test kit bukas at subukan ang lahat ng mga iyon.

Ayos lang kung hindi siya buntis. Magkakaroon ng malaking problema kung buntis nga siya. Alam niyang hindi gusto ni Miguel ang anumang bagay na wala itong kontrol.

Palaging gumagamit si Miguel ng condom kapag nakikipagtalik sa kaniya, maliban na lamang noong nakaraang buwan sa Palawan. Isa talaga iyong pagkakamali. Biglang nataranta si Mayumi nang maisip na baka buntis talaga siya. Hindi magugustuhan ni Miguel ang batang dinadala niya.

Sigurado siya na kapag sinabi niya kay Miguel na buntis siya, maghahanap talaga ito ng ospital para ipalaglag ang bata. Ito pa naman iyong tao na kapag nagdesisyon na, walang sinuman ang makakapagpabago niyon.

Noong kinasal siya sa lalaki, akala ni Mayumi ay unti-unting mahuhulog sa kaniya si Miguel ngunit pantasya niya lang pala iyon. Ayaw na niyang isipin ang bagay tungkol doon. Muli siyang humiga sa kubrekama, pumikit at pinilit na matulog.

Napanaginipan ni Mayumi ang mga kaganapan noong high school pa lamang siya. Sa panaginip, sisilip si Miguel sa kaniyang bintana araw-araw. Ito ang prinsipe sa kanilang paaralan, at lihim siya nitong binabantayan saan man siya pumunta.

Napakaganda na pigura ang nakikita ni Mayumi sa panaginip. Bulto ng isang matangkad at gwapong lalaking nasa bulsa ang mga kamay. Tamad ngunit puno ito ng kayabangan. Mahirap itong abutin kagaya ng buwan. Tahimik at malamig ang paligid ngunit nagawa niyang masilayan ito.

Bigla na lang siya nagising at natagpuang may mga luha sa sulok ng kaniyang mga mata. Nakita niyang maliwanag na ang langit sa labas. Pumunta siya sa may bintana at binuksan iyon.

Hindi niya nakita ang sasakyan ni Miguel sa bakuran nang sumilip siya. Tanda na umalis pa rin ito sa kalagitnaan ng gabi.

Hindi naman nalungkot si Mayumi at mukhang sanay na ito. Matapos mag-agahan ay pumunta siya sa opisina. Dumaan muna siya sa isang botika upang bumili ng mga pregnancy test. Masyado naging abala si Mayumi sa umaga kaya wala na siyang oras para uminom ng tubig.

Nang nagkaroon siya ng pagkakataon, mahigpit niyang hinawakan ang kaniyang bag na naglalaman ng mga pregnancy test saka nagmamadaling pumasok sa banyo. Sinunod niya ang mga instruksyon sa pagamit niyon.

Pagkatapos ng ilang minuto, tiningnan niya nang mabuti ang pregnancy test stick na hawak niya. Ang pamilyar na dalawang guhit ay litaw na litaw pa rin doon!

Pakiramdam niya ay bigla na lang bumagsak ang puso niya. Hindi siya nasisiyahan sa resulta. Maraming bagay ang pumapasok sa isip niya. Paano kung isabi niya na lang kaya ito kay Miguel?

Napailing siya. Hindi niya kayang banggitin ito kay Miguel. Siguro’y magre-resign na lang siya, pupunta sa isang bansa na walang nakakikilala sa kaniya at lihim na ipapanganak ang bata. O puwede namang ilang araw lang siyang magli-leave para pumunta sa ospital at ipalaglag ang bata

Gulong-gulo ang isip ni Mayumi. Pagbalik sa opisina, distracted pa rin siya. Nilapitan siya ni Marites sa kaniyang work station para magsabi na naman siguro ng tsismis. “Beh, may buntis daw sa ikadalawampong palapag!”

Napabuntonghininga si Mayumi at mahinahong nagtanong, "Sino naman?"

"Hindi ko alam," sagot nito. "Sabi ng janitress, nakakita siya ng pregnancy test stick sa basurahan kahapon. Posible bang nagkakaroon na rito ng office romance? Masyado kasi secretive si dzai! Matatanggal kasi siya kapag sinabi niya iyon kay Mr. Lopez."

Natuwa si Mayumi dahil ligtas pa rin siya sa tsismis. Pagkatapos itapon ang pregnancy test stick sa banyo ay d-in-ispose niya pa rin ito.

Napalunok siya, "I don't know, probably not."

Hindi naman masyadong interesado si Marites sa bagay na ito kaya mabilis na binago nito ang usapan. "Gusto mo bang bumaba para maghapunan?"

Gutom na rin si Mayumi kaya tumango siya. "Tara na."

Masasarap din naman ang mga nilulutong ulam sa restaurant para sa mga empleyado na matatagpuan sa ibabang bahagi ng gusali ng kompanya. Pagkatapos mag-order ay umupo na sina Mayumi at Marites.

Biglang tumahimik ang restaurant nang ilang segundo, at biglang sumulpot si Miguel sa restaurant na talaga namang nakahahatak ng atensyon. 

Titig na titig si Mayumi kay Miguel at hindi mapigilang kuyumin ang chopsticks. Hinandugan ng malalaking hakbang ni Miguel ang sahig habang papunta sa kanilang mesa. Hindi alintana nito ang mga taong nakatingin. 

Biglang nataranta si Marites sa kaniyang tabi. "Mr. Lopez, please sit down."

Ibinuka ni Mayumi ang kaniyang mga labi pero hindi niya alam kung ano ang sasabihin. Napansin niyang nakahanda na rin ang steak na in-order niya.

Hinawakan ni Mayumi ang kaniyang plato at tila gustong tumalikod at maghanap ng bagong puwesto, ngunit hindi siya nangahas na gawin iyon dahil maraming nanonood.

Hindi siya naging komportable dahil sa sitwasyon. Bigla siyang nahilo at para bang naduduwal. Medyo matapang pa ang amoy sa restaurant. Gusto niyang masuka pero pinigilan niya ang kaniyang sarili. Gusto niyang tapusin ang kaniyang tanghalian nang mabilis at bumalik sa opisina para makapagpahinga.

Sa sandaling nasa bibig niya na ang steak, hindi na kinaya ni Mayumi ang pisikal at sekswal na pagduduwal. Hinawakan niya ang kaniyang dibdib at nagmamadaling pumunta sa malapit na basurahan para magsuka.

Pagkatapos niyang magsuka ay namutla ang mukha niya. Uminom siya ng isang basong tubig saka nagmumog habang nakatingala. Pakiramdam niya ay may mali hanggang sa nakita niya ang maitim at malalim na mga mata ni Miguel na nakatitig sa kaniya nang mahinahon.

Hindi niya mabasa ang iniisip nito.

Bumilis ang tibok ng puso ni Mayumi kasabay ng pamumutla ng mukha niya. Natatakot siya na baka may mapansin ito sa kaniya.

Nag-isip si Miguel saka nagtanong. "Why did you throw up?"

"I’ve been feeling unwell lately,” sagot niya.

“I don’t remember you having gastrointestinal issues."

“Nagkasakit kasi ako nitong nakaraang mga araw.”

Natahimik sandali si Miguel saka muling nagtanong, "Uminom ka ba ng gamot?"

Hindi maintindihan ni Marites ang tanong na iyon maliban kay Mayumi. Tinatanong siya ni Miguel kung nakainom ba siya ng gamot pagkatapos ng p********k nilang iyon sa hot spring hotel sa Palawan. Matalas mag-isip si Miguel, at alam nito palagi kung may mali kahit sa pinakamaliit na detalye.

Nagsinungaling si Mayumi sa kabila ng pressure. "Oo."

Hindi na nagtanong pa si Miguel.

Hapon ng araw na iyon, nakatanggap si Mayumi ng gastrointestinal na gamot. Binili ito para sa kaniya ni Charles na general assistant ni Miguel. Tanging ang general assistant lamang nito ang nakaaalam ng relasyon nilang dalawa ng lalaki.  

"Gusto ni Mr. Lopez na bigyang pansin ang kalusugan mo." Nag-aalinlangang tumingin sa kaniya ang general assistant. Pagkatapos ay huminto at nagsalita muli, "gusto rin niya na magpa-schedule ako ng appointment para sa iyo sa ospital para sa isang physical examination."