Chapter 23

Eana Beatrix

Ngayon na narinig ko na ang matagal ko ng gustong marinig, ano nang kasunod nito? Nais kong ibigay kay Papa ang simpatya ko matapos marinig ang mga ito, ngunit siguro mas mabuti kung sabihin ko ito kina Mama at Kuya Arthur.

Alam ko naman na wala pa ako sa mundong ito nang mangyari ang mga bagay na naging dahilan para iwan kami ni Papa. Pero hindi niya rin maaalis sa akin na habang lumalaki ako ay mas tumatatak sa aking isipan na iniwan niya kami dahil mas pinili niyang sumama sa mas mayaman.

Ang kaninang mga emosyon namin ay unti-unti nang humupa. Bakas ang pamumula ng mga mata ni Papa pero bakas ko rin doon ang kaluwagan. Marahil sa naging pagkukwento at pagsabi sa akin ng totoong dahilan.

“Alam ko na hindi ninyo agad ako mapapatawad at matagal ko na iyong tanggap, Beatrix. Ang hiling ko lang sana ngayon ay huwag mo na itong sabihin sa Mama at Kuya mo,” wika niya sa gitna ng pananahimik namin.

Matapos kong ibalik s