Chapter 34

HINDI mapakali si Monica dahil sa presensiya ni Mattia. Inuusig pa rin siya ng tingin nito. Nawala ang focus niya sa pagkain dahil pilit niyang inaalala kung saan niya nakita si Mattia. Sa dami ng pinasukan niyang kumpanya sa pagsa-side-line ng trabaho ay marami na rin siyang nakasalamuhang tao, mga mayayaman pa at kilalang personalidad.

“Did you work in La Lucy Hotel and Casino, Monica?” mayamaya ay tanong ni Mattia.

Napatda siya at diretso ang titig kay Matiia. Naalala niya bigla na minsan siyang nagtrabaho sa nabanggit nitong hotel. On-call waitress siya noon sa hotel. Maaring doon niya nakita si Matiia.

“Ay. Yes, sir, pero on-call lang ako at tatlong beses lang ako nakapag-duty roon,” tugon niya.

“I see. Kaya pala pamilyar ang mukha mo.”

“Ano’ng special do’n?” sabad naman ni Duke, may sarkasmo sa tinig at pilyo ang ngiti.

“Baka na-love at first sight si Mattia kay Monica,” gatong naman ni Craig.

“Silly. I just felt something odd from Monica’s presence. But she’s beautiful,